धादिङ ।” सेवा मार्फत सन्तुष्टी”भावनाका साथ पुष ११ गतेकादिन अन्तर्राष्ट्रिय लायन्स क्लब अफ काठमाडौं देउराली “भञ्ज्याङ ” 325M ले स्कुल सपोर्टिङ प्रोग्राम अन्तर्गत धादिङ जिल्ला थाक्रे गाउँ पालिका वडा नम्बर ७ स्थित श्री उडुवा देवी प्रजा प्राथमिक बिद्यालयका बिद्यार्थी हरुलाई न्यानो लुगा तथा स्टेसनरी प्लस खाजा बितरण गरेको छ।
कक्षा १ देखि ५ कक्षासम्म पढाइ हुने उक्त आधारभुत बिद्यालयमा अध्यनरत सम्पूर्ण बालबालिकाहरुलाई भञ्ज्याङ क्लबले न्यानो कपडा स्वरुप स्वेटर र टोपी साथै स्टेसनरी र खाजा बितरण गरेको हो। बिद्यालयका प्रधानअध्यापक श्रीराम गजुरेल, बिद्यालय ब्यवस्थापन समिति अध्यक्ष श्री भिमसेन सुवेदी ज्यु र बिद्यालयका अन्य शिक्षक शिक्षिका, अभिभावक लगायतको समुपस्थितीमा सम्पन्न सेवामूलक कार्यक्रम भञ्ज्याङ क्लबको असाध्यै महत्वपूर्ण कार्यक्रम भएको थियो।
यसैगरि क्लबले यस बिद्यालयकी छात्रा जो शारीरिक रुपमा असाध्य अशक्त रहि बिद्यालय समेत आउन नसक्ने भई पठनपाठनमा बाधा पुगेर घरमै थन्किन बाध्य भएकी बालिका सलिना कम्मरलाई उनको निवासमै पुगेर न्यानो लुगा खाजा र नगदसहित सहयोग गरेको थियो। अशक्त बालिका कि आमा समेत शारिरिक रुपमा अपांगता बढ्दै गएर घरको आर्थिक संकटका कारण परिवारको सम्पूर्ण भार एक्लैले बहन गर्दै आएका घरमुली श्री शिवराम कम्मर संगको हृदयबिदारक वार्ता लापपछि उहाँलाई क्लबले यथासक्य सहयोग र उपचारमा हातेमालो गर्ने प्रतिबद्धता पनि जाहेर गरेको थियो ।
क्लबका अध्यक्ष श्री दिपक बुढाथोकी ज्युको अध्यक्षतामा सम्पन्न गरिएको कार्यक्रममा क्लबका एख्क्त् र चार्टर सदस्यहरुको सकृय सहभागिता लगायत ईजरायलमा कार्यरत क्लवका आजिवन सदस्य पवित्रा अधिकारी,शारदा अधिकारी,गंगा ताजपुरिया र चार्टर सदस्य खुसकासी गुरुङ्गको भर्चुअल उपस्थिति रहेको थियो, भने बिद्यालयका शिक्षकहरु र बिद्यालय सञ्चालन समितिको अध्यक्ष लगायत अभिभावकहरुको उत्साहजनक उपस्थिति रहेको थियो। “सेवा मार्फत सन्तुष्टि”को भावले ओतप्रोत यसखाले कार्यक्रमहरु आगामी दिनहरुमा पनि समस्या र आवस्यकता अनुरुप गर्दै जाने प्रतिबद्धता भञ्ज्याङ क्लबले लिएको क्लवका सचिव दीप्स शाहले बताउनुभयो ।
