स्वर्ण पदक विजेता खेलाडी कार्कीलाई सम्मान

काठमाडौँ । मसल मेनिया, एसियन लेभल अन्तररास्ट्रीय बडीबिल्डिंग कम्पिटिसनका स्वर्ण पदक जितेका किशोर कार्कीलाई सम्मान गरिएको छ । राजधानी काठमाडौँमा एक कार्यक्रमका बीच प्रमुख अतिथि युवा तथा खेलकुद मन्त्री श्री डिगबहादुर लिम्बुले कार्कीलाई सम्मान गरे । खरेल अर्गनाइजेसनले रोशनलाई सम्मान गरेको हो ।
खेल र खेलाडीको लागि संधै केही न केही गरि रहने योजना अनुसार खरेल अर्गनाइजेसनले विभिन्न इभेन्टहरु गरि रहने गर्दछ । ‘नेपाली खेलाडीले धेरै नै परिश्रम र मेहनतले गर्दा नै अन्तर्राष्ट्रिय प्रतियोगितामा सफलता प्राप्त गर्ने गरेका हुन्’ सज्ञान खरेलले कार्यक्रममा बोल्ने क्रममा बताए ।
प्रमुख अतिथि युवा तथा खेलकुद मन्त्री श्री डिगबहादुर लिम्बुले कार्यक्रममा बोल्दै खेल क्षेत्र र खेलाडीको लागी काम गर्नको लागी मन्त्रालय संधै तत्पर रहेको बताए ।