काठमाडाैं । संघीय संसद अन्तरगत प्रतिनिधिसभाको अन्तिम बैंठक आज शनिबार नयाँ बानेश्वरस्थित संघीय संसद भवनमा जारी रहेको छ । बैठकमा दलका शिर्ष नेताहरुले सम्बोधन गर्नेक्रम जारी रहेको छ । अन्तिम बैठकलाई सम्बोधन गर्ने क्रममा नेताहरुले सदाझै आज पनि एकअर्कालाई घोचपेच गर्न बाँकी राखेका छैनन् ।
सरकारले आगामी मंसिर ४ गते प्रतिनिधिसभा तथा प्रदेशसभा निर्वाचन गर्ने घोषणा गरेको छ । सरकारले संघीय संसदको म्याद थप्न खोजेपनि निर्वाचन आयोगले प्रतिनिधिसभाको अधिवेशन असोज १ गतेसम्म रहने बताएपछि आजराति १२ बजेबाट प्रतिनिधिसभाको चालू अधिवेशन अन्त्य हुदैछ ।
