नेपालको हिमाली भेगमा पाइने भोटे कुकुरलाई अन्तर्राष्ट्रिय मान्यता प्रदान गरिएको छ ।
इन्टरनेशनल केनेल क्लबले भोटे कुकुरलाई आधिकारिक रूपमा कुकुर जातिको मान्यता प्रदान गरेको हो । फागुन २७ गते आइकेसीले आधिकारिक मान्यता प्रदान गरेको भोटे कुकुर क्लब अफ नेपालले जनाएकाे छ ।
यो मान्यतासंगै नेपालको भोटे कुकुरले अन्तर्राष्ट्रिय स्तरमा पहिचान बनाएको छ । भोटे कुकुर खर्कहरूमा बाख्राको रेखदेख गर्नका लागि पाल्ने गरिन्छ । तल्ला क्षेत्रहरूमा पनि भोटे कुकुर सोखले पाल्ने गरेका छन् ।
१८ भन्दा बढी भोटे कुकुरको डीएनए परीक्षण गरिएको थियो भने सयौँ कुकुरमा चिप लगाएर निगरानीमा राखिएको थियो । भोटे कुकुरलाई प्रवर्द्धन गर्नका लागि २०७९ सालमा पहिलो संस्था नेपालमा खुलेको हो ।
सोही संस्थाले गत माघमा पोखरामा भोटे कुकुर प्रदर्शनी ग¥यो । ‘पहिला तिबेतन म्यास्टिफलाई नै भोटे कुकुर भन्ने चलन रहेछ । भोटे कुकुर र तिबेतन म्यास्टिफ फरक हो भनेर प्रमाणित गर्न लामै संघर्ष गर्नुप¥यो । भोटे कुकुर नेपालमै उत्पत्ति र विकास भएको हो । त्यो आधिकारिक पुष्टि भैसकेको छ । क्लबले १ सय भन्दा बढी भोटे कुकुर दर्ता गरिसकेको छ ।
नेपालका उच्च हिमाली क्षेत्रमा पाइने भएपनि ढोरपाटन क्षेत्रमा बढी सङ्ख्यामा रहेका क्लबले जनाएको छ । त्यसैले दोस्रो भोटे कुकुर प्रदर्शनी पनि ढोरपाटनमै गर्न लागिएको छ । नेपालमा ५ सय हाराहारी भोटे कुकुर रहेको अनुमान छ ।
