काठमाडौं । जलहरी प्रकरणमा उठेका विभिन्न प्रश्नहरु तथा शंकाबारेमा संसदीय समिति मार्फत सत्यतथ्य छानविन हुनुपर्ने माग उठेको छ ।
साेमबार प्रतिनिधि सभा बैठकमा बोल्दै सत्तारुढ सांसदहरुले जलहरी प्रकरणमा उठेका प्रश्नहरुबारेमा संसदीय छानविनबाट टुंग्याउनुपर्ने माग गरेका छन् ।
नेकपा माओबादी केन्द्रका सांसद लेखनाथ दाहाल (राजन)ले कोरोना महामारीको समयमा अरबौको जलहरी राख्नु आफैमा असांदर्भीक रहेका बताए। सञ्चारकर्मीलाई प्रतिक्रिया दिदै दाहालले भने ‘जतिबेला केपी ओलीको सरकारले पशुपतिमा सुनको जलहरी लगाउने निर्णय गर्यो, त्यो बस्तुगत निर्णय थिएन ।
नेपाली जनता कोरोनाको महामारीमा खान नपाएर, स्वास्थ्य सेवा नपाएर छट्पटाइरहेको अवस्थामा, अरबौंको सुनको जलहरी लगाउनुपर्ने ?, त्यो पनि दुईसय बर्षदेखि चाँदीको जलहरी लगाइरहेको ठाउमा, त्यो बस्तुगत थिएन । ‘त्यो अव्यवहारिक थियो, त्यो मनोगत निर्णय थियो ।’
संगसंगै महालेखापरिक्षक, प्रधानमन्त्रीको कार्यालय, सार्वजनिक खरिद अनुगमन कार्यालय लगायतले प्रश्न उठाइसकेपछि, मुद्दा अख्तियारमा गइसकेपछि, अख्तियारमा मुद्दा तामेलीमा बसेपछि, मैले सत्य तथ्य छानविन हुनुपर्छ भनेको हुँ’ ।
सुन हराएको भन्ने छ, त्यसमा छानविन भएको छ ।, त्यसमा कति मिसावट छ ? तामा, जिंक, चाँदीको मिसावट के छ ? , त्यसको यकिन रोपोर्ट नआउदा सम्म हामी अनुमान गर्न सक्दैनौं ।, यस विषयमा सञ्चारमाध्यममा सबै तथ्य बाहिर आएको छैन, अनुसन्धामा निश्पक्षता कायम हुनुपर्यो ।, सत्य के हो ?, सनु हराएको हो ? या हराएको हैन ?
उनले भने ‘केपी ओलीले सुनको जलहरीमा आफ्नो नाम लेखाउनुभयो, पूर्व राष्ट्रपति विद्यादेवी भण्डारीको नाम, पूर्व मन्त्री भानुभक्त ढकाल लगायतको नाम लेखेर, उहाँहरुलाई रहर के रहेछ ? , महामारीका बेलामा जनता प्रताडित भएको बेलामा उहाँहरुलाई रहर के जागेछ ?, पशुपतिमा सुनको अक्षरमा नाम लेख्ने रहर जागेर जलहरी बनाइएको छ, ! ’
यस्तै, नेपाली कांग्रेसका नेता तथा सांसद राधेश्याम खतिवडाले भने ‘जलहरीमा पूर्व राष्टपति र प्रधानमन्त्री लगायको नाम लेखिएको रहेछ । उहाँहरुको नाममा आएको पानी खानुपर्ने, ? यो बाध्यता किन गरियो ?, हामी कसैलाई आरोप लगाएर राजनीति गर्दैनौं ।,
जलहरीमा के के मिसिएको छ, सुनको परिणाम के कति छ त्यो सार्वजनिक हुनुपर्छ, । जलहरीमा पूर्व प्रधानमन्त्री, राष्ट्रपति लगायतको नाम राखिएको भन्दै उनले ‘महादेवलाई उहाहरुको नामको पानी ख्वाउन किन बाध्य पारियो ?
महालेखापरिक्षक लगायतले जलहरीमा राखिएको सुनको परिणाम बारेमा प्रश्न उठाएको दुईबर्षपछि अख्तियारको टोलीले आईतबार विभिन्न प्रतिनिधिको रोहबरमा जलहरी नापजाच गरेको छ । उक्त नापजाँचको प्रतिवेदन भने सार्वजनीक भएको छैन ।
