काठमाडौं । राष्ट्रिय स्वतन्त्र पार्टी (रास्वपा)की नेतउ तथा सांसद सोविता गौतमले विवाह गरेकिछन् । उनले प्रेमी गृहेन्द्र घिमिरेसँग विवाह गरेकी हुन् ।
घिमिरे र सोविता लामो समयदेखि प्रेममा रहेको बताइन्छ । चितवन घर भएका गृहेन्द्र माओवादी अध्यक्ष तथा प्रधानमन्त्री पुष्पकमल दाहाल प्रचण्डका भाञ्जा पर्ने सञ्चारमाध्यमहरुले जनाएका छन् । घरमा पूजा लगाएका बेला सानो जमघटमा उनीहरुले लगनगाँठो कसेको जनाइएको छ ।
भक्तपुरको कमेरेटारस्थित सोबिताको घरमा आयोजित धार्मिक अनुष्ठानकै अवसरमा गत साता बैबाहिक विधि पूरा गरिएको सञ्चारमाध्यमहरुले जनाएका छन् । यद्यपि, दुवै पक्षले विवाहका तस्विरहरु सार्वजनिक गरेका छैनन् ।
सोविता गत मंसिरमा भएको प्रतिनिधिसभाको निर्वाचनमा प्रत्यक्षतर्फ काठमाडौं–२ बाट विजयी सांसद हुन् ।
