काठमाडाैं । नेपाल कांग्रेसका नेता तथा सांसद डा.चन्द्र भण्डारीले संसदलाइ सम्बाेधन गरेका छन् ।
आगलागीको घटनामा परी घाइते भई लामो समय नेपाल र भारतमा उपचार गराएका नेता भण्डारीले बुधबार प्रतिनिधिसभा बैठकमा उपस्थित भएका हुन । उनलाई सभामुखले विशेष समय उपलब्ध गराएपछि बुधबार नीति तथा कार्यक्रममाथिको छलफलमा भाग लिएका थिए ।
उनले सम्बाेधनका क्रममा खाना पकाउने ग्यास कसरी बाल्ने भन्ने कुरा विद्यालयको पाठ्यक्रममै समेट्नु पर्ने बताएका छन्।
सम्बोधनका लागि मर्यादापालकहरुको सहारामा रोस्टममा पुगेका भण्डारीले नीति तथा कार्यक्रममाथि आफ्नो धारणा राखे ।
भण्डारीको नेपालमा उपचार सम्भव नभएपछि मुम्बइस्थित नेशनल बर्न सेन्टरमा उपचारत भएको थियो । गत फागुन ३ गते बुद्धनगरसस्थित निवासमा ग्याँस लिक भई आगलागी हुँदा भण्डारी गम्भीर घाइते भएका थिए। उनकी आमा हरिकला भण्डारीको गत फागुन ४ गते उपचारका क्रममा निधन भएको थियो।
उनको स्वास्थ्यमा अझै पनि सुधारोन्मुख छ । उनले स्वास्थ्य प्रतिकुलताका बीच विशेष समय माग गरेर संसदमा बोलेका हुन् ।
