२० जेष्ठ,काठमाडौं । नेपाली कांग्रेसका सांसद रामहरि खतिवडाले ट्राफिक कारबाहीमा परेकाहरूलाई सडकमा स्वयंसेवा गर्न लगाउने कामलाई रोक्न माग गरेका छन् । आइतबार प्रतिनिधिसभा बैठकमा आकस्मिक समयमा खतिवडाले गृहमन्त्रीले हुकुमी शासनको भरमा ट्राफिक कारबाहीमा परेकालाई सडकमा उतारेर स्वयंसेवा गराएको भन्दै सो काम तुरुन्त रोक्नुपर्ने बताए ।
मुलुकलाई कानुनी शासनअनुसार चलाउनुपर्ने भन्दै खतिवडाले कानुनबिना त्यसरी मानिसलाई सडकमा ल्याउनु नहुने उल्लेख गरे । कानुन बनाएर मात्रै सो काम गर्न उनको आग्रह गरे ।खतिवडाले गृहमन्त्रीलाई पत्रकार हुँदाजस्तो बोलेर र ट्वीट गरेर मुलुक नचलाउन पनि आग्रह गरे ।
