काठमाडौं, पुस २८ , सत्ता साझेदार दलहरूको बैठक बस्दैछ। बैठक बिहीबार बिहान ११ बजे प्रधानमन्त्री तथा मन्त्रिपरिषद कार्यालय सिंहदरबारमा बस्ने प्रधानमन्त्रीका प्रेस संयोजक सूर्यकिरण शर्माले जानकारी दिए।
प्रधानमन्त्री पुष्पकमल दाहालले संसदबाट विश्वासको मत प्राप्त गरिसकेपछि मन्त्रिपरिषद् विस्तारको तयारी गरेका छन्। तर कुन दलले कति मन्त्रालय लिने भन्ने विषय टुंगिन बाँकी छ। त्यही विषयमा छलफलका लागि बैठक बोलाइएको हो।
सत्ता साझेदारको बैठक बस्नुअघि प्रमुख घटक नेकपा एमालेका अध्यक्ष केपी शर्मा ओलीसँग प्रधानमन्त्री दाहालले बुधबार बेलुकी छलफल गरेका थिए।
