– खगेन्द्र फुयाँल
सिन्धुली । ९औं विश्व विद्यालय दुध दिवसको अवसरमा वक्तृत्वकला प्रतियोगिता सम्पन्न भएको छ । नेपाल डेरी एसोसिएशन सिन्धुली शाखाको आयोजनामा सिन्धुली विद्याश्रम सार्वजनिक शैक्षिक गुठिले “स्वस्थ जिवनको लागि दुध तथा दुग्धजन्य पदार्थको महत्व” शिर्षकमा वक्तृत्वकला प्रतियोगिता आयोजना गरेको हो ।
बुधबार सम्पन्न प्रतियोगितामा कक्षा नौ मा अध्ययनरत छात्रा बेन्जु घिमिरे प्रथम भइन भने कक्षा दशमा अध्ययनरत छात्रा स्मीता भुजेल द्वितीय र कक्षा आठमा अध्ययनरत छात्रा अनिशा मंग्राती तृतीय भइन ।
यस्तै, कक्षा नौ मा अध्ययनरत छात्र अविरल पहाडी र छात्रा समिक्षा रायमाझीले सान्त्वना पुरस्कार प्राप्त गरे ।
कार्यक्रममा सिन्धुली क्षेत्र नं २ प्रदेश सभा ’क’ का सांसद छेत्र बहादुर बम्जन प्रमुख अतिथि र कमलामाई नगरपालिकका मेयर उपेन्द्र पोख्रेल विशिष्ट अतिथिका रुपमा रहनुभएको थियो ।
नेपाल डेरी एसोसिएशन सिन्धुली शाखा अध्यक्ष बलराम अधिकारी सहित विद्यालय सञ्चालक समितिका सदस्य, अभिभावक सहितको उपस्थिति रहेको थियो ।
अतिथिहरुले बजारमा उपलब्ध पत्रु (जंक फुड) खानेकुरा भन्दा दुग्धजन्य पदार्थ मानव स्वास्थ्यका लागि लाभदायक रहेको बताएका थिए ।
बजारीया चिसो पेयपदार्थ भन्दा दही मोही र लस्सी तथा दुधबाट बनेका परिकार खान विद्यार्थीलाई आग्रह गरे । शारिरिक तथा मानसिक स्वास्थ्यक लागि दुध लाभदायीक रहेको भन्दै सकेसम्म दुध नै सेवन गर्नुपर्नेमा जोड दिएका थिए ।
आयोजक नेपाल डेरी एसोसिएशन सिन्धुली शाखाका अध्यक्ष बलराम अधिकारीले बालबालीकाहरुलाई दुग्धजन्य पदार्थको प्रयोग र मानव स्वास्थ्यका लागि यसको लाभ बारे जनचेतना अभिवृद्धिका लागि कार्यक्रम आयोजना गरिएको बताए ।
अधिकारीले विद्यालयहरुमा कविता, निबन्ध वक्तृत्वकला लगायतका प्रतियोगिता जिल्लामा सञ्चालन गर्दै आएको बताए ।
कार्यक्रममा बालबालिकालाई गाई तथा भैँसीको दुधपान समेत गराइएको थियो ।
प्रतियोगितामा प्रथम द्वितीय र तृतीयहुनेहरुलाई क्रमश दुईहजार, पन्द्रसय र एकहजार र सान्त्वना पुरस्कार पाँचसय र प्रमाणपत्र प्रदान गरिएको थियो ।
