काठमाडौँ । रोयल इन्फिल्ड मिटिओर ३५० सिसिको तिन नयाँ मोटरसाइकल पुनः सार्वजनिक भएको छ । रोयल इन्फिल्डको नेपालका लागि आधिकारिक बिक्रेता अल्फा अटोमोटिभ प्रालि नक्साल स्थित रोयल इन्फिल्ड शोरुममा सार्वजनिक गरीएको हो ।
उक्त मोटरसाइकलको त्रिवेणी ग्रुपका निर्देशक सुबाष चन्द्र संघाइ र रोयल इन्फिल्डका प्रतिनिधी नेपाल बजार प्रमुख अभिषेक सुक्लाद्वारा मिटिओर fireball, मिटिओर Stellar र मिटिओर supernova सार्वजनिक गरेका हुन् ।
मिटिओर मोटरसाइकल जे प्लेटफर्ममा निर्माण गरिएको हो । यी मोटरसाइकलमा ३४९ सीसी सिंगल सिलिन्डर, फ्युल इन्जेक्टेड फोर स्ट्रोक, एयर–ओयल कुल्ड, Electronic fuel injection रहेको छ । उक्त इन्जिनले अधिकतम ६१०० आरपीएममा २०.२ ब्रेकहर्स पावर र ४००० आरपीएममा २७ एनएमको टर्क जेनेरेट गर्छ भने यस्मा डुअल डिस्कब्रेक दिएको छ। यी सबै मोटरसाइकलहरुमा १५ लिटरको फ्युल ठ्यांक क्षमता रहेको छ भने प्रति लिटर औषत ४० कि. मि. माइलेज दिने छ । इजी कुजिईंग डिजाइनमा रहेको यी मोटरसाइकलमा १४०० एमएम व्हीलबेस, ७६५ एमएम सिटको उचाई, ट्विन डाउनटुव स्पाइन फ्रेम, आगाडी–चौडा टुबलेस टायर (१००/९० – १९” – ५७P), पछाडी चौडा टुबलेस टायर्र (१४०/७० – १७” – ६६P) जस्ता फिचरहरू पाउन सकिन्छ ।
मिटिओर फायरबल ३५० सिसि पहेंलो, रातो, निलो र म्याट हरियो रंगमा उपलब्ध छन् । त्यस्तै : मिटिओर stellar ३५० सिसि – कालो, निलो र रातो रंगमा उपलब्ध छन् र मिटिओर supernova ३५० सिसि – खैरो, निलो र रातो रंगमा रोयल इन्फिल्डका १८ बाटै सोरुममा उपलब्ध छन् ।
कम्पनीले मिटिओर fireball ३५० सिसिको मूल्य पाँच लाख ५० हजार रुपैयाँ, मिटिओर Stellar ३५० सिसिको मूल्य पाँच लाख ५५ हजार रुपैयाँ र मिटिओर supernova ३५० सिसिको मूल्य पाँच लाख ६५ हजार तोकेको छ । सबै भेरियन्टको बुकिङ समेत खुलिसकेको छ ।
