काठमाडाैं । काठमाडौ उपत्यका ट्राफिक प्रहरी कार्यालयले सवारी साधनको नम्बर प्लेट मापदण्डअनुसार राख्न आग्रह गरेको छ । सवारी तथा यातायात व्यवस्था ऐन २०४९ को अनुसूची २ को भाग १ साधारण नम्बर प्लेट द्रष्टव्य ३, र भाग २ इम्बोस्ड सवारी नम्बर प्लेटको हकमा द्रष्टव्य ५, अनुसारको नम्बर प्लेट राख्न अनुरोध गरेको हो ।
स्पष्ट देखिने र बुझिने गरी मापदण्ड अनुसारको नम्बर प्लेट बनाएर सवारी साधनको अगाडी र पछाडी नराखेमा सवारी तथा यातायात व्यवस्था ऐन २०४९ अनुसार कारबाही हुने कार्यालयले चेतावनी समेत दिएको छ । यस्तै ठुलो आवाज निकाल्दै दुईपांग्रे सवारी साधन चलाएको पाइएमा ट्राफिक प्रहरीले आवश्यक कारबाही गर्ने बताएको छ ।
