फागुन ७, काठमाडाैं । मधेशका मुख्यमन्त्री सरोजकुमार यादवले तेस्रोपटक विश्वासको मत पाएका छन् । प्रदेशसभाबाट दुईपटक सभाको शतप्रतिशत मत पाएका मुख्यमन्त्री यादवले यसपटक मात्र ६९ मत पाए । एमाले र जनमत पार्टीसहित ३५ जना सांसदले मुख्यमन्त्री यादवको विरुद्धमा मत दिएका छन् ।
आइतबार बसेकाे सभाको बैठकमा १ सय ४ जना सांसद उपस्थित रहेको प्रदेश सभामुख रामचन्द्र मण्डलले जनाए ।
कांग्रेस, जनता समाजवादी पार्टी, लोकतान्त्रिक समाजवादी पार्टी, माओवादी केन्द्रका, एकीकृत नेकपा समाजवादी पार्टी, तथा संघीय समाजवादी पार्टीका सांसदहरूले मुख्यमन्त्री यादवको पक्षमा मत जाहेर गरे ।
जनमतले सरकारबाट बाहिरिँदै समर्थन पनि फिर्ता लिएका कारण मुख्यमन्त्री यादवले विश्वासकाे मत लिएका हुन् ।
