काठमाडौं । प्रधानमन्त्री पुष्पकमल दाहाल प्रचण्डले सरकार भ्रष्टाचार र अनियमितताका विषयमा पछि नहट्ने बताएका छन् । उनले भ्रष्टाचारका विरुद्ध सरकार जस्तोसुकै जोखिम मोल्न तयार रहेको बताए ।
प्रेस सेन्टर नेपालको साँखुमा जारी साधारणसभालाई सम्बोधन गर्दै प्रधानमन्त्री प्रचण्डले हिजो जनयुद्धको बेलामा पनि धेरै ठुला चुनौतिको सामना गरिएको भन्दै आज सरकारमा छदा पनि त्यस्तै चुनौति रहेको बताए ।
उनले भ्रष्टचार र शुसासनका विषयका सरकारले काम गरिरहुदा दुश्मनले जुनसुकैबेला प्रहार गर्नसक्ने भन्दै ‘जोखिम मोलेरै भएपनि सरकार भ्रष्टाचार नियन्त्रण र शुसासनका लागि पछि नहट्ने’ बताए ।
प्रेस सेन्टर नेपालको राष्ट्रिय साधारणसभा काठमाडौंको साँखुमा शुक्रबार र शनिबार तय गरिएको छ ।
