- खगेन्द्र फुयाल
काठमाडौं । शिवपुरी नागर्जुन राष्ट्रिय निकुञ्जमा पर्ने शुवपुरी धाप आन्तरिक तथा बाह्य पर्यटकका लागि नयाँ गन्तव्य बनेको छ ।
काठमाडौंको कोलाहल र प्रदुषणबाट मुक्तहुन चाहानेहरुका लागि एकदिनको ट्रेकिङ्गको गन्तब्य हुनसक्छ शिवपुरी धाप । शनिबार तथा सार्वजनिक बिदाका दिनमा काठमाडौं उपत्यकाबाट पाँचसय सम्मको संख्यामा आन्तरिक पर्यटकले यो क्षेत्रमा ट्रेकिङ्ग तथा तालको अवलोकन गर्न पुग्ने जनाइएको छ ।
सुन्दरीजलबाट करिव ४ घण्टाको ट्रेकिङ्गमा शिवपुरी धाप पुग्न सकिन्छ भने साना निजी सावरी साधन र मोटरसाइकल पनि जाने कच्चा मोटर बाटो रहेको छ ।
यो क्षेत्र शिवपुरी नागर्जुन राष्ट्रिय निकुञ्जमा पर्नेभएकाले प्रवेश शुल्क तिरेर जान सकिन्छ ।
ट्रेकिङ्गको बाटो मुलखर्क हुदै रहेको हुदाँ डाडाहरुबाट काठमाडौं उपत्यकाको दृश्य अवलोकन गर्ने अवसर प्रप्त हुनुका साथै प्राकृतिक मनोरम दृश्यावलोकन गर्ने अवसर पनि प्राप्त हुनेछ ।
शिवपुरी धाप समुन्द्री सतहबाट २५ सय २३ मिटरको उचाइमा रहेको छ । यस तालको लम्बाइ १ सय ७५ मिटर रहेको छ भने गहिराई २४ मिटर हेको छ । यो ताल सुख्खा याममा बागमती नदिको वाहव कायम गर्ने उदेश्यका साथ निर्माण गरिएको जनाइएको छ ।
