काठमाडौं । राष्ट्रपति रामचन्द्र पौडेलले सत्यतथ्य सूचना प्रवाहमा महासंघले नेतृत्वदायी भूमिका निर्वाह गरोस भनी कामना व्यक्त गरेका छन् । समाजमा भएका विकृति, विसङ्गतिप्रति पत्रकारजगत सचेत भएर कलम चलाउन र गतल सूचनाप्रति पत्रकार जगत सचेत रहेर सही सूचना दिनुपर्नेमा जोड दिए ।
नव निर्वाचित राष्ट्रपति रामचन्द्र पौडेललाई बधाई दिन गएको नेपाल पत्रकार महासंघको प्रतिनिधिमण्डललाई राष्ट्रपति पौडेलले उक्त धारणा राख्नुभएको हो ।
महासंघले राष्ट्रपति पौडेलले बधाई दिदै कार्य सफलताको शुभकामना दिएको छ ।
उक्त अवसरमा महासंघका अध्यक्ष विपुल पोख्रेलले यही चैत १७ गते लुम्बिनीमा हुने ‘मिडिया सम्मेलन’ मा राष्ट्रपति पौडेललाई प्रमुख अतिथिका रुपमा आमन्त्रण गरे । महासंघको प्रतिनिधिमण्डलले राष्ट्रपतिलाई नेपाली पत्रकारजगतले भोग्दै आएका समस्याबारे जानकारी गराएको थियो । भेटमा महासंघका महासचिव रोशन पुरी, केन्द्रीय सदस्य लगायतका पदाधिकारीको उपस्थिति रहेको थियो ।
