काठमाडौं । गत मगंलबारदेखि जारी बर्षा हाल देशका अधिकांश स्थानमा परिरहेको छ । अविल बर्षाका कारण देशका सबैखाले साना तथा ठुला नदिहरुमा जलसतह बडिरहेको छ ।
जल तथा मौसम विज्ञान विभाग बाढी पूर्वानुमान महाशाका अनुसार बिहिबार विहान रजैया बाढी मापन केन्द्रमा जलसतह सतर्कता नजिक पुगेको छ । मकवानपुरगढी, हेटौडा र आसपास थप बर्षा हुने देखिएको विभागले जनाएको छ । मकवानपुर र चितवन राप्ती नदी र यसका सहायक नदी तटीय क्षेत्रमा हुनेहरूले आज साँझ सम्म उच्च सतर्कता अपनाउन आग्रह गरेको छ ।
बिहान ४ बजे नारायणी नदी देबघाट बाढी मापन केन्द्रमा जलसतह सतर्कता तह (७.३ मि.) नजिक पुगेको र बढ्ने क्रम जारी रहेको जनाइएको छ । जलाधारमा थप बर्षा हुने पूर्वानुमान रहेका कारण चितवन र नवलपरासीको तटिय क्षेत्रमा आज साँझसम्म उच्च सतर्कता अपनाउन आग्रह गरेको छ ।
जल तथा मौसम विज्ञान विभाग बाढी पूर्वानुमान महाशाका अनुसार आगामी २४ घण्टामा चितवन, तनहँु , स्याङ्जा, पर्वत, पाल्पा, रुपन्देही गुल्मी, अर्घाखाँची, कपिलबस्तु रोल्पा दाङ्ग, बाँके, बर्दिया, जाजरकोट जिल्ला भई बहने साना नदीमा आकस्मिक बाढीको उच्च जोखिम रहेको जनाएको छ । अन्य जिल्लाहरुमा पनि बर्षा जारी रहेका कारण सर्वसाधारणलाई सर्तकता अपनाएमा मात्र गतिविधिहरु गर्न आग्रह गरेको छ ।
