काठमाडौं। साउन २९, नेपाल पुस्तक तथा स्टेसनरी व्यवसायी महासङ्घ नेपाल देशभर फैलिएर पुस्तक, मसलन्द, स्टेसनरी तथा स्पोर्टस्जस्ता शैक्षिक सामग्रीहरूको कारोवारमा संलग्न व्यवसायीहरूको छाता सङ्गठन हो । नेपाल सरकारको प्रचलित नीतिनियमभित्र रहेर गुणस्तरीय सामग्रीहरूको प्रकाशन, वितरण र बिक्रीमा संलग्न रही शैक्षिक उन्नयनमा टेवा पु¥याउने, देशभरका व्यवसायीहरूको हकहितको संरक्षणका साथै सामाजिक दायित्व वहन गर्ने गराउने उद्देश्यका साथ वि. सं. २०६३ देखि विधिवत र सङ्गठितरूपमा अघि बढिरहेको छ ।
महासङ्घले स्थापनाको पहिलो वर्षमा नै २०६४ मा “सामाजिक रूपान्तरणका लागि शिक्षामा नयाँ अभियान” भन्ने नाराका साथ प्रथम पटक बुटवलमा वृहत् पुस्तक प्रदर्शनी तथा शैक्षिक महोत्सव सम्पन्न ग¥यो । पठन संस्कृतिको विकास गरी राष्ट्रमा शिक्षित एवं बौद्धिक जनशक्ति वृद्धि गर्ने लक्ष्य पूरा गर्नका लागि “हातहातमा पुस्तक, घरघरमा पुस्तकालय”, “गुणस्तरीय उत्पादन मर्यादित व्यापार, नीति निर्माणमा पहुँच साङ्गठनिक आधार” आदि जस्ता शैक्षिक, सामाजिक नाराका साथ वृहत् पुस्तक प्रदर्शनी तथा शैक्षिक महोत्सवको अभियान मेचीदेखि महाकालीसम्म पुग्यो । २०६४ देखि २०७४ सम्ममा बुटवल, धनगढी, चितवन, पोखरा, झापा, दाङ र नेपालगन्ज गरी वृहत् पुस्तक प्रदर्शनी तथा शैक्षिक महोत्सवका आठओटा संस्करण भव्यरूपमा सम्पन्न गरिसकेको छ । महोत्सवका सबै संस्करणहरूमा सर्जक, उत्पादक, आयातकर्ता, वितरक, खुद्रा व्यवसायी, पाठक सबै पक्षलाई एकै ठाउँमा भेला गराई विभिन्न समसामयिक विषयमा छलफल तथा बहस चलाउँदै शिक्षा, साहित्य, कला र सामाजिक क्षेत्रमा विशिष्ट योगदान पु¥याउँदै आएका व्यक्तित्वहरूलाई सम्मानसमेत गर्दै आइरहेको छ । यसबाहेक महासङ्घको पहलमा विभिन्न जिल्ला तथा प्रदेश स्तरमा यस्ता कार्यव्रmमहरू सञ्चालन गर्नुका साथै अन्य सहयोगी संस्थाहरूसँगको सहकार्यमा काठमाडौंमा राष्ट्रिय तथा अन्तर्राष्ट्रिय स्तरका पुस्तक प्रदर्शनी तथा शैक्षिक महोत्सवहरूको सफल आयोजना सम्पन्न गरेको छ ।
कोभिड महामारीको विश्वव्यापी प्रभाव, आर्थिक मन्दी आदि कारणबाट यसबिचको अवधिमा केही समयका लागि कार्यव्रmमहरू हुन नसकेको वर्तमान परिप्रेक्ष्यमा महासङ्घले यस वर्षदेखि आफ्नो अभियानलाई तीव्रता दिने भएको छ । यसै सिलसिलामा महासङ्घ र करेन्ट मिडिया एन्ड रिसर्च सेन्टर प्रा.लि. को संयुक्त आयोजनामा यही मिति २०८० मङ्सिर ५–१० गतेसम्म काठमाडौंको भृकुटीमण्डपमा “दक्षिण एसिया अन्तर्राष्ट्रिय पुस्तक प्रदर्शनी–२०२३ (South Asia International Book Fair-2023) आयोजना गर्ने तयारीमा जुटेको सहर्ष जानकारी गराउँदछौँ । सामाजिक रूपान्तणका लागि चेतना, चेतनाका लागि गुणस्तरीय शिक्षा र गुणस्तरीय शिक्षाका लागि गुणस्तरीय शैक्षिक सामग्रीको आवश्यकता पर्ने कुरालाई आत्मसात गरी चीन, अमेरिका, इजिप्टलगायत दक्षिण एसिया क्षेत्रका प्रकाशक, उत्पादक तथा वितरकहरूको सहभागिता रहनेछ । यस वृहत् पुस्तक तथा शैक्षिक सामग्री प्रदर्शनी कार्यक्रममा चाइना इन्टरनेसनल बुक टे«डिङ कर्पोरेशनलाई विशेष अतिथिका रुपमा आमन्त्रण गरिएको कुरा अवगत गराउन चाहन्छौँ ।
करिब दुई दशकअघिसम्म विदेशी लेखकद्वारा लेखिएर विदेशमै प्रकाशित पाठ्यसामग्रीमा मात्र निर्भर रहनुपर्ने अवस्था पार गरी आज हामी देशको एक आत्मनिर्भर व्यवसाय– पुस्तक व्यवसायमा संलग्न रहेको कुरा जानकारी गराउन पाउँदा हामी आफूलाई गौरवान्वित महसुस गर्दछौँ । देशभर करिब पन्ध्र हजारभन्दा बढी व्यवसायीहरूको छाता सङ्गठनको रूपमा रहेको महासङ्घको यस महोत्सवका १८० भन्दा बढी स्टलहरूमा देश तथा विदेशका विभिन्न उत्पादनहरू प्रदर्शनमा रहने छन् । महोत्सव राष्ट्रिय शिक्षा क्षेत्रका सरोकारवाला निकायहरूका लागि उपयुक्त सल्लाह, सुझाव उपलब्ध गराउने स्थल बन्नुका साथै नेपालका शैक्षिक संस्थाहरू, सामुदायिक तथा संस्थागत विद्यालय, कलेज, शिक्षक, विद्यार्थी, अभिभावक एवं आम पाठकसम्मका लागि साझा चौतारी एवं शिक्षा, साहित्य, संस्कृति र सञ्चारको एक सङ्गम स्थल बन्ने आशा र अपेक्षा हामीले लिएका छौँ ।
करेन्ट मिडियासँगको सहकार्यमा आयोजना हुने यस “दक्षिण एसिया अन्तर्राष्ट्रिय पुस्तक प्रदर्शनी –२०२३” मा देशभरबाट मात्र नभई दक्षिण एसियाली क्षेत्रका राष्ट्रहरूको समेत सहभागिता रहने भएकाले स्वदेशी तथा विदेशी शैक्षिक सामग्रीहरूको आयात, निर्यात, वितरणमा सहकार्य एवं सहजीकरणको वातावरण बन्नुका साथै यस महोत्सवले दक्षिण एसियाली राष्ट्रहरूबिच शिक्षा, साहित्य, संस्कृति र सञ्चार आदानप्रदानको माध्यमबाट समेत आपसी सम्बन्ध प्रगाढ बनाउनमा महत्त्वपूर्ण भूमिका खेल्ने विश्वास हामीले लिएका छौँ । यस महत्त्वपूर्ण महोत्सव सफल बनाउनमा सबैको साथ, सहयोग र सहकार्य रहने आयोजकको अपेक्षा रहेको छ । 
