काठमाण्डौं । असोज २९, गैर आवासीय नेपाली संघ एनआरएनए आईसीसीको ११ औं महाधिवेशनकालागि सह – कोषाध्यक्ष पदका प्रत्यासी जापानबाट ददिवल खड्काले सोमवार आफ्नो उम्मेदवारी दर्ता गर्नुभएको छ।
म्याग्दीमा जन्मिएर १९८९ देखि कर्म थलो जापान बनाएका शैक्षिक (एम ए अर्थशास्त्र) एवं वौद्धिक व्यक्तित्वका धनी खड्का २०१७ देखि २०१९ सम्म NRNA JAPAN को सल्लाहाकार , २०१९ देखि२०२१ NRNA ICC सदस्य र २०२१ देखि २०२३ सम्म NRNA एशिया प्यासीफीकको उप- संयोजक र वरिष्ट उपाध्यक्ष नेपाली व्यवसायी संघ जापान(NBA) र बरिष्ट उपाध्यक्ष मोना अन्तराष्ट्रिय समितिमा रहेर रुपमा आफ्नो महत्वपूर्ण भूमिका र जीम्मेदारी पुरा गरी सक्नु भएको मृदुभाषी व्यक्तित्व हुनु हुन्छ ।
वाहाँ जापानमा व्यवसायीक हिसावले रेस्टुरेण्ट, ट्राभल्स, किराना (थोक तथा खुद्रा) तथा स्कुल समेत संचालन गर्नु भएको छ । यतिमात्र नभएर खड्काले नेपालमा विभिन्न कस्मेटिक्स ,स्कुल तथा कलेज, हाइड्रो,फाईनान्स तथा कृषि फर्म आदिमा लगानी गर्नु भएको छ । जापानमा लामो समय सम्म कार्यरत नेपालीहरुलाई परेका समस्याहरुमा सहयोग गर्दै एउटा समाजसेवीको रुपमा स्थापित नाम हो ददिवल खड्का ।” विना स्वार्थ विना शर्त, सबैको अपनत्व र पारदर्शिता मेरो प्रतिवद्धता” भन्ने आफ्नो मुल नाराका साथै समृद्ध र रुपान्तरण हाम्रो साझा अभियानका साथ आफ्नो उमेदारी प्रस्तुत गर्नु भएको छ । एक पूर्ण कार्यकाल काम गरेर एनआरएनएलाई नयाँ उचाईं दिन चाहेको बताउनुभयो। उहाँले सवैको समर्थनमा आफू विजयी हुने दावी गर्नुभयो।
विदेशमा वस्ने सवै नेपालीको अवस्था एउटै नभएको वताउँदै खड्काले विदेशको श्रमबजारमा दुःख पाएका नेपाली, विद्यार्थीदेखि बलियो आर्थिक र सामाजिक हैसियत वनाएका नेपालीहरुको भावनाको प्रतिनिधित्वआफूले गर्नसक्ने वताउनुभयो।
आपसी विवाद र गुटबन्दीले संघको छवि धुमिलिएको बताउँदै खड्काले सहमति , सहकार्य र एकता नै अबको आवश्यकता औल्याउँदै त्यसकालागि ददिवल खड्का एकमात्र विकल्प रहेको दावी गर्नुभयोे।आफुले विश्वभिरी रहेका सम्पूर्ण गैर आवासीय नेपालीहरुले आफुलाई अमूल्य मत दिई अत्याधिक मतले विजयी गराउनु हुन्छ भन्ने विश्वास लिएको छु ।
