काठमाडाैं । कालीकोटमा जिप दुर्घटना हुँदा तीन जनाको मृत्यु भएको छ ।
शुभकालिका गाउँपालिका-६ चिसापानीस्थित बेहुली पानतडी सडकखण्डको चौकी बजारबाट हाउडीतर्फ जाँदै गरेको लु१च८४९८ नम्बरको जिप शनिबार राति साढे ११ बजे दुर्घटना भएको हो ।
दुर्घटनामा जिपका चालक शुभकालिका – २ भर्ताका ३० वर्षीय हर्के कामी, वडा नं. ८ का ३१ वर्षीय रामबहादुर शाही र दैलेख नौमुलेका २५ वर्षीय गोपाल सलामी मगरको मृत्यु भएको जिल्ला प्रहरी कार्यालय कालीकोटले जनाएकाे छ ।
जिप सडकबाट १५० मिटर तल खसेको छ ।
प्रहरीले घटनाकाे अनुसन्धान सुरु गरेकाे जनाएकाे छ ।
