काठमाडौं । कान्तिपुर संयुक्त संघर्ष समितिले मंगलबार सूचना तथा प्रसारण विभागमा एक घण्टा धर्ना दिएको छ ।
कान्तिपुर मिडिया प्रालीमा कार्यरत पत्रकार तथा श्रमिकहरुलाई सेवाबाट बर्खास्त गर्ने, राजिनामा दिन दवाव दिने, नियमित सेवा सुुविधाबाट बञ्चित गरेको भन्दै त्यहा कार्यरत सञ्चारकर्मी आन्दोलनमा उत्रिएका छन् ।
संघर्ष समितिले मंगलबार सूचना तथा प्रशारण विभागमा एक घण्टा धर्ना दिनुका साथै प्रेस रजिष्ट्रारलाई ज्ञापनपत्र समेत बुझाएको छ ।
कार्यक्रममा श्रमजीवी पत्रकार संघ नेपालका अध्यक्ष जन्मदेव जैसीले श्रमीकहरुको श्रम अधिकार र श्रमजीवी पत्रकार ऐनको पूर्ण कार्यान्वयनका लागि सञ्चारकर्मीहरु आन्दोलनमा उत्रिन बाध्य भएको बताए ।
उनले कान्तिपुर मिडिया प्रालिमा कार्यरत कर्मचारीहरुलाई अवकास दिने क्रममा ऐनले तोकेको सेवा सुविधा दिनुपर्ने र सेवाबाट राजीनामा दिन दवाव दिने कार्य तत्काल रोक्नुपर्ने बताए । उनले पीडित पत्रकार तथा कर्मचारीहरुलाई आन्दोलनमा साथ दिन आग्रह गरे ।
