काठमाडाै । आइतबार रातिको वर्षापछि आएको बाढीले अवरुद्ध वीपी राजमार्ग सञ्चालनमा आएको छ । वीपी राजमार्गअन्तर्गत रोशी गाउँपालिकाको कालढुंगा र चिउरीबासीमा लेदोसहितको बाढीले राजमार्ग अवरुद्ध हुदा केही सवारी साधन लेदाेमा पुरिएका थिए ।
सडकको लेदो हटाएर सडक खुलाइएको जिल्ला प्रहरी कार्यालय काभ्रेका सूचना अधिकारी डीएसपी ढुण्डीराज न्यौपानेले जानकारी दिए ।
कालढुंगामा लेदोले चारवटा गाडी पुरेको थियो । गाडी लेदोमा पुरिए पनि चालक र यात्री सकुशल रहेको जनाइएकाे छ । चिउरिबासमा सडकसँगै स्थानीय क्षेत्रबहादुर लामाको घर पनि लेदोले पुरिएको छ । प्रहरीका अनुसार लामाको घरमा भएका चाैपाए, अन्नपात र भाँडाकुडा पुरिएका छन् ।
