काठमाडाैं । विद्युतकाे टावरमा अरिंगालले गाेलाे लगाएका कारण विद्युत विस्तार गर्न समस्या हुँदा अरिंगाल नस्ट गर्न प्राधिकरणले मान्छे खाेजिरहेकाे छ । अरिंगालको गोलोका कारण मातातीर्थ-हेटौँडा १३२ केभी विद्युत् प्रसारण लाइनको काममा समस्या भएको हाे ।
काठमाडाैंकाे चन्द्रागिरी नगरपालिका मातातीर्थमा निर्माण भएको अग्लो टावरमा कालो अरिंगालले गोलो लगाएका कारण लाइन विस्तार गर्न नसकिएको काठमाण्डौ ग्रिडका प्रमुख विनोद लोहनीले जानकारी दिनुभयो ।
अरिंगाल पोल्नको लागि उहाँले मान्छेको समेत खोजी गर्नुभएको छ । अहिलेसम्म धेरैजना सम्पर्कमा आए पनि टावर अग्लो भएको कारण पोल्न नसकिने बताएको उहाँले बताउनुभयो ।
‘धेरैले सम्पर्क गरे पनि सकिन्न भन्दै फर्किए, अहिले २ जना सम्पर्कमा आएर रातिको समयमा पोल्ने भनेका छन्, आशा छ राति अरिंगाल पोलेर भोलि बिहान तार जडानको काम सुरु हुन्छ होला ।’ लोहनीले भन्नुभयो ।
