काठमाडौं । अख्तियार दुरुपयोग अनुसन्धान आयोगले राष्ट्रिय भुक्तानी प्रणालीका केही सामान खरिद प्रकरणको अनुसन्धानका क्रममा मुख्यसचिव बैकुण्ठ अर्यालसँग बयान लिएको छ ।
अर्याल सञ्चार तथा सूचना प्रविधि मन्त्रालयमा हुँदा भएको खरिद प्रक्रियामा प्रश्न उठेपछि अख्तियारले उक्त विषयमा छानबिन गरिरहेको छ ।
कानुनी र नीतिगत जिम्मेवारी स्पष्ट नहुँदै राष्ट्रिय सूचना प्रविधि केन्द्रले पेमेन्ट गेट वे निर्माणको निर्णय गरेको थियो ।
केन्द्रले गरेका खरिदका कयौ कामकारवाहीमाथि प्रश्न उठेपछि अख्तियारले अनुसन्धान थालेको हो ।
