सिन्धुली । कमलामाई नगरपालिकाले तीज पर्व मनाउनका लागि सबै वडा कार्यालयलाई पच्चिस हजार रुपैयाँ विनियोजन गरेको छ ।
नगरपालिकाले भदौ १२ गते सूचना जारी गरी आउदैगरेको हरितालिका तिज पर्व भव्यताका साथ मनाउन चौधवटै वडाका लागि प्रतिवडा पच्चिसहजार रुपैयाँका दरले उपलब्ध गराउने जनाएको छ ।
नगरपालिकाले आफ्नो वडामा रहेका महिला समुह, महिला सहकारी संस्था, बालक्लब, किशोरी समुह लगायत सरोकारवालासंगको सहभागितामा कार्यक्रम सम्पन्न गर्नुपर्ने जनाएको छ ।
विल भुक्तानीका लागि कार्यक्रमको प्रतिवेदन, सहभागि उपस्थितिको प्रतिलिपि, कार्यक्रमको फोटो, तथा वडाको सिफारिस पत्र पेश गर्नुपर्ने जनाएको छ ।
यसबर्षको हरितालिका तीज असोज १ गते परेको छ । उक्त पर्वका अवसरमा महिलाहरुका लागि सरकारले सार्वजनिक बिदा दिएको छ।
