काठमाडौं ।साउन ८, सरकारले विना प्रतिस्पर्धा कालिमाटी फलफुल तथा तरकारी बजारका ६०० वटा भन्दा बढि सटरहरु भाडामा लगाएकोमा अखिल नेपाल किसान महासंघले विरोध जनाएको छ ।
विना प्रतिस्पर्धा वा वोल पत्र आव्हान नै नगरी कालिमाटी फलफुल तथा तरकारी बजारमा रहेका ६०० भन्दा बढि सटरहरुलाई विचौलिया लगाएर पुरानै व्यक्तिहरुलाई दिएकोमा अखिल नेपाल किसान महासंघले विरोध र धर्ना कार्यक्रम गरेको छ ।
अखिल नेपाल किसान महासंघका महासचिव बावुराम थापाले भने कालिमाटी फलफुत तथा तरकारी बजारका ५० प्रतिशत सटरहरु वास्तविक कृषि उत्पादक किसानहरुलाई दिनु पर्छ । र खुला वोल पत्र आव्हान गरेर मात्र यहाँका सटरहरु भाडामा लगाउनु पर्छ ।
यदि सरकारले यस्तो व्यवस्था गरेन भने अखिल नेपाल किसान महासंघ आन्दोलनमा जानुको विकल्प छैन । समयमै सरकारले वास्तविक किसानहरुको समस्यालाई सम्बोधन गरोस।
