काठमाडौं । उच्च शिक्षालय तथा माध्यामिक विद्यालय संघ नेपाल र कान्तिपुर पब्लिकेसन्सको संयुक्त आयोजना ‘आठौँ कान्तिपुर हिसान एडुफेयर २०२३’ आयोजना हुने भएको छ ।
‘उत्कृष्ट शिक्षा नेपालमै’ भन्ने नाराका साथ एडुफेयर काठमाडौंको भृकुटीमण्डपमा विहीवार देखि असार ३ गते सम्म चार दिन चल्नेछ । यस एडुफेयरमा विभिन्न विश्वविध्यालय, प्राविधिक शिक्षा तथा व्यावसायिक तालिम केन्द्र गरेर ७५ बढी शैक्षिक संस्थाको सहभागिता रहने आयोजकको दावी रहेको छ ।
एडुफेयरमा नेपालमै सञ्चालित विद्यालयहरुले दिने गुणस्तरीय र उत्कृष्ट शिक्षाका बारेमा जानकारी दिइने, विद्यार्थी र अभिभावकलाई नेपालमा पनि उत्कृष्ट शिक्षा पाइन्छ भने विषयमा परामर्श गरिने संयोजक टंकराज आचार्यले जानकारी दिए ।
विद्यार्थी, अभिभावक तथा शिक्षासँग सरोकार राख्ने दुई लाख बढीले मेलाको अवलोकन गर्ने अनुमान गरिएको आर्चायले बताए ।
उक्त शिक्षा मेलामा प्रवेश निःशुल्क राखिएकोछ । एडुफेयर अवलोकन गर्ने एक हजारभन्दा बढी विद्यार्थीलाई पूर्ण तथा आंशिक छात्रवृत्तिको पनि व्यवस्था गरिएको आयार्चले बताए ।
उक्त एडुफेयर प्रतिनिधि सभाका सभामुख देवराज घिमिरे ज्यूबाट जेठ ३२ विहान १० बजे भृकुटीमण्डपमा समुद्घाटन गर्नु हुने मंगलबार काठमाडौंमा आयोजित पत्रकार सम्मेलनमा जानकारी दिएको छ ।
