काठमाडौं । भारतको नवनिर्मित संसद भवनमा राखिएको अखण्ड भारतको मुल नक्सालाई लिएर नेपालमा एउटा तरंग पैदा गरेकाे छ ।
प्रधानमन्त्री पुष्पकमल दाहाल प्रचण्डको भारत भ्रमणको पूर्वसन्ध्यामा भाइरल भएको उक्त नक्साले नेपालमा अझ यसप्रति चासोको थपेकाे हाे ।
भारतले अखण्ड भारतका नाममा आफ्नो संसद भवनमा राखेको उक्त नक्सामा नेपाल पाकिस्तान लगायतका मुलुकलाई समेत समेटेको छ । नेपालको कपिलवस्तु र लुम्बिनी नक्सामा नाम नै किटान गरिएको छ ।
यसबारे पूर्वप्रधानमन्त्री भट्टराईले ट्वीटरमा लेखेका छन्, ‘अखण्ड भारतको विवादास्पद नक्साले नेपाल लगायतका छिमेकमा अनावश्यक र हानिकारण कूटनीतिक विवाद निम्ताउन सक्छ । यसले भारतका निकटतम छिमेकीहरुबीचको द्विपक्षीय सम्बन्धलाई बिगार्ने र अविश्वास बढाउने सम्भावना छ । त्यसैले भारतीय नेतृत्वले यस नक्साको वास्तविक अभिप्रायलाई समयमै जानकारी दिनु बुद्धिमानी हुन्छ ।’
