काठमाडौं । प्रधानमन्त्री निवास बालुवाटारमा आठ माओवादी घटक दलहरूको बैठकले पहिलो चरणको संघर्षका कार्यक्रम तय गरेको छ ।
पहिलो चरणका कार्यक्रम सकिएपछि दोस्रो चरणमा सडक सङ्घर्षका कार्यक्रम समेत ल्याउने तयारी बैठकले गरेकाे छ । फागुन २८ गते संयुक्त पत्रकार सम्मेलन र ३० गते सङ्क्रमणकालीन न्यायका सम्बन्धमा अन्तरक्रिया गर्ने निर्णय गरेकाे छ ।
बैठकले माओवादी धारका आठ दलका तर्फबाट संयुक्त अपिल समेत गर्ने निर्णय भएको वैज्ञानिक समाजवादीका नेता जागृत रायमाझीले बताए । पहिलो चरणका कार्यक्रमलाई मूल्याङ्कन गर्दै दोस्रो चरणका कार्यक्रम बनाइने छन् ।
माओवादी धारका आठ दलको बैठकले पहिलो चरणमा संयुक्त पत्रकार सम्मेलन गर्ने, अन्तरक्रिया गर्ने र संयुक्त अपिल गन ‘दोस्रो चरणमा छलफल गरेर सडक सङ्घर्षका कार्यक्रम पनि ल्याउने तयारी रहेको जानइएको छ ।
सङ्क्रमणकालीन न्यायका विषयमा सबै माओवादी दलहरु एक भएर जाने रणनीति बैठकले गरेको छ ।
