काठमाडाैं । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा कोरोना भाइरसबाट संक्रमित हुनेको संख्या ५ जना रहेको छ । हालसम्म नेपालमा संक्रमित हुनेको संख्या ११ लाख ५३ हजार ३ सय २८ जना पुगेको छ ।
२४ घण्टामा ४ सय २५ जनाको पिसिआर परीक्षण गर्दा कोरोना संक्रमितको संख्या ५ जना रहेको छ । हालसम्ममा ५९ लाख ९७ हजार ७ सय ३४ जनाको पिसिआर भएको जनाईएको छ।
पछिल्लो २४ घण्टामा ५ सय २७ जनामा एन्टिजन विधिबाट परीक्षण हुँदा संक्रमित हुने संख्या शुन्य रहेको छ। हालसम्ममा १४ लाख ८७ हजार ९ सय ५६ जनाको एन्टिजन विधिबाट परीक्षण भएको जनाईएको छ ।
२४ घण्टामा निको हुनेको संख्या ३ रहेको छ । कुल निको हुनेको संख्या ९ लाख ९० हजार ११ जना पुगेको छ । नेपालमा कोरोना भाइरस संक्रमित निको हुने प्रतिशत ८६ रहेको छ ।
हालसम्म कोरोना भाइरसबाट मृत्यु हुनेको संख्या १२ हजार २० जना पुगेको छ । हाल देशभर सक्रिय संक्रमितको संख्या २५ जना रहेको छ।
