काठमाडौँ, साउन १९ — देभको इन्जिनियरिङ एण्ड बिल्डर्स प्रा.लि. (Devco Engineering & Builders Pvt. Ltd.) ले घरको नक्सा डिजाइन तथा सम्बन्धित इन्जिनियरिङ सेवामा ३३ प्रतिशत छुट दिने घोषणा गरेको छ।
राष्ट्रिय भवन संहिताको मापदण्ड अनुसार आवासीय घरको नक्सा डिजाइनदेखि संरचना निर्माण र फिनिसिङसम्मको सम्पूर्ण काम सम्पन्न गरी हस्तान्तरण गर्दै आएको कम्पनीले घर निर्माणको तयारीमा रहेका ग्राहकहरूलाई लक्षित गरी यो योजना सार्वजनिक गरेको हो।
इन्जिनियरिङ क्षेत्रका विज्ञहरूका अनुसार घर निर्माण सुरु गर्नुअघि सही योजना, प्राविधिक डिजाइन र संरचनात्मक विश्लेषणलाई प्राथमिकता दिनु आवश्यक हुन्छ। सोही आवश्यकतालाई ध्यानमा राख्दै कम्पनीले यो सेवा उपलब्ध गराएको जनाएको छ।
एकीकृत इन्जिनियरिङ सेवाहरू:
- वास्तु विश्लेषण र आर्किटेक्चर ड्रइङ: जग्गाको अवस्था, सडकको पहुँच, दिशा, प्रकाश र हावाको व्यवस्थापनका साथै फ्लोर प्लान, एलिभेसन र स्पेस प्लानिङ समेटेर आधुनिक एवं व्यावहारिक डिजाइन तयार गरिनेछ।
- स्ट्रक्चरल ड्रइङ र एनालिसिस: भवनलाई आकर्षकका साथै संरचनात्मक रूपमा सुरक्षित बनाउन राष्ट्रिय भवन संहिता र प्राविधिक मापदण्ड अनुसार स्ट्रक्चरल डिजाइन तथा अध्ययन गरिनेछ।
- थ्री-डी भिजुअलाइजेशन (3D Visualization): निर्माण सुरु हुनुअघि नै घरको बाहिरी स्वरूप कस्तो देखिन्छ भन्ने हेर्न र आवश्यक संशोधन गर्न थ्री-डी प्रविधिको प्रयोग गरिनेछ।
कम्पनीका अनुसार जग्गाको अवस्था, भवनको आवश्यकता, उपलब्ध क्षेत्रफल, परिवारको जीवनशैली र बजेटलाई ध्यानमा राखेर एकीकृत रूपमा डिजाइन तयार गरिन्छ। अनुभवी इन्जिनियरहरूको प्रत्यक्ष रेखदेखमा निर्माणस्थलको अवस्था अनुसार डिजाइन गरिने भएकाले घर निर्माणको लागत समेत तुलनात्मक रूपमा कम हुने कम्पनीले जनाएको छ।
