क्युकेएस अन्तरविद्यालय फुटसल भोलिदेखि

काठमाडौं साउन २०, काष्ठमण्डप विद्यालयको आयोजनामा दोश्रो क्युकेएस अन्तरविद्यालय फुटसल प्रतियोगिता बिहीबारदेखि हुने भएको छ ।
क्वालिटी काठमाडौं स्कुल (क्युकेएस) को कार्यक्रम अनुसार हुन लागेको प्रतियोगितामा ३ विधामा प्रतिस्पर्धा हुने काष्ठमण्डपका इसीए इन्चार्ज सुन्दर बुढाथोकीले जनाएका छन् । जुनियर ब्वाइजमा १५, सिनियर ब्वाइजमा १६ र सिनियर गल्र्समा १२ टिम सहभागी हुने छन् ।
जुनियर ब्वाइजको समूह ‘ए’ मा काष्ठमण्डप ‘ए’, भक्तपुर निस्ट, त्रियोग र संस्कृति तथा समूह ‘बी’ मा अक्षरा, बीआईएस, युरो, छाउनी र रोजबड रहेका छन् । समूह ‘सी’ मा काठमाडौं युरो, बानियाँटार, काठमाडौं प्रज्ञा कुञ्ज र कान्जिरोवा तथा समूह ‘डि’ मा काष्ठमण्डप ‘बी’, मेरिडियन, युरो, हात्तीगौडा र इम्पेरियल वल्र्ड छन् ।
सिनियर ब्वाइजको समूह ‘ए’ मा काष्ठमण्डप ‘ए’, भक्तपुर निस्ट, रोजबड र जोन डेवी तथा समूह ‘बी’ मा मेरिडियन, युरो, हात्तीगौडा, संस्कृति र दीक्षालय, समूह ‘सी’ मा युरो, आउनी, बीआईएस, काठमाडौं प्रज्ञा कुञ्ज, काठमाडौं युरो, बानियाँटार तथा समूह ‘डि’ मा काष्ठमण्डप ‘बी’, इम्पेरियल वल्र्ड, जिनियस आईबी र कान्जिरोवा रहेका छन् ।
त्यस्तै सिनियर गल्र्सको समूह ‘ए’ मा काष्ठमण्डप ‘ए’, त्रियोग र भक्तपुर निस्ट तथा समूह ‘बी’ मा जोन डेवी, एलआरआई र मेरिडियन रहेका छन् । काठमाडौं युरो, बानियाँटार, इम्पेरियल वल्र्ड र संस्कृति समूह ‘सी’ तथा काष्ठमण्डप ‘बी’, युरो, छाउनी र काठमाडौं प्रज्ञा कुञ्ज समूह ‘डि’ मा छन् ।
तीनै विधाका सहभागी टिमलाई ४ समूहमा विभाजन गरी लिग कम नकआउट आधारमा खेल खेलाइने छ । आठदिने प्रतियोगिताका खेलहरु मण्डिखाटारस्थित आयोजक काष्ठमण्डपमा हुनेछ । पहिलो दिन १० खेल हुनेछ ।