बैशाख ७।सरकारले सरकारी कर्मचारीका लागि १५ दिनको अन्तरालमा तलब उपलब्ध गराउने नयाँ व्यवस्था कार्यान्वयनमा ल्याएको छ।
अर्थ मन्त्रालयले यही बैशाख ४ गते महालेखा नियन्त्रण कार्यालयलाई पत्राचार गर्दै राष्ट्रसेवक कर्मचारीहरूलाई अर्धमासिक (१५ दिन) रूपमा तलब तथा अन्य सेवा-सुविधा भुक्तानी गर्ने व्यवस्था मिलाउन निर्देशन दिएको हो।
यसअघि महिनाको अन्त्यमा मात्र तलब पाउने व्यवस्था रहेकोमा अब नयाँ प्रणालीअनुसार कर्मचारीले आफ्नो तलब दुई किस्तामा प्राप्त गर्नेछन्। कर्मचारीको आर्थिक व्यवस्थापनलाई थप सहज र सरल बनाउने उद्देश्यले सरकारले यस्तो निर्णय लिएको जनाइएको छ।
