पुस ८ गते । मर्यादित पत्रकारिता , सुरक्षित पत्रकार : श्रम अधिकार र प्रेस स्वतन्त्रता हाम्रो सरोकार ” नारा सहित नेपाल पत्रकार महासंघको केन्द्रिय साधारणसभा शुक्रवार राष्ट्रपति विद्यादेवी भण्डारीले समुद्घाटन गर्नुभएको छ ।
भुगोल र विकासको तुलनामा पनि पछाडी रहेको कर्णाली प्रदेशको राजधानी सुर्खेतमा शुरु भएको साधारणसभामा सात सय ५० जना केन्द्रिय परिषद सदस्य सहित देशैभरीबाट एक हजार बढी पत्रकारहरुको सहभागिता रहेको नेपाल पत्रकार महासंघका महासचिव रोशन पुरीले जानकारी दिनुभयो ।
दुई दिनसम्म चल्ने सभाको अध्यक्षता नेपाल पत्रकार महासंघका अध्यक्ष विपुल पोख्रेलले गर्नुभएको छ ।
