फागुन २०, काठमाडाैं । नेपाली सेनाले प्रतिनिधि सभा निर्वाचनलाइ शान्तिपूर्ण रुपमा सम्पन्न गर्ने जिम्मेवारीमा लागेको भन्दै सेना र संस्थाप्रति अनआवश्यक प्रचार तथा टिकाटिंपणी
नगर्न आग्रह गरेको छ । बुधबार फेसबुक पेजमार्फत सेनाले भनेको छ, नेपाली सेनाले आफ्नो गैर-राजनीतिक चरित्र कायमा राख्दै संविधान प्रदत्त एवं अन्य जिम्मेवारीहरू सदैव कुशलतापूर्वक निर्वाह गर्दै आएकोमा आसन्न
प्रतिनिधि सभा निर्वाचनलाई सुरक्षित, निष्पक्ष र भयरहित रूपमा सम्पन्न गर्न एकीकृत सुरक्षा योजना अनुसार सरोकारवाला सबै निकायहरूसँग समन्वय र सहकार्य सहित सुरक्षाका कार्यहरू गर्दै आएको छ ।
सो क्रममा नेपाली सेनालाई जोडेर सुनियोजित ढङ्गबाट प्रसारित असान्दर्भिक, अतिरञ्जित तथा भ्रामक सूचनाहरूमा विश्वास नगर्न/नगराउन आम जनसमुदायलाई हार्दिक अपिल गर्दछौ ।
