फागुन १९, जेनजी आन्दोलनका क्रममा लुटिएको इन्सास राइफलसहित प्रहरीले एक युवकलाई पक्राउ गरेको छ।
मंगलबार गोरखाको पालुङटार नगरपालिका-९ घर भई हाल भक्तपुरको सूर्यविनायक नगरपालिका-८ भुम्डोल बस्ने ३१ वर्षीय आयन सेढाईलाई पक्राउ गरिएको प्रहरीले जनाएको छ। प्रहरीले उनको साथबाट ए-८८९६ नम्बरको इन्सास राइफल पनि नियन्त्रणमा लिएको छ।
त्यस्तै, एसएलआर राइफलको चार, प्लास्टिकको एक, सटगनमा लाग्ने एक राउन्ड गोली, एउटा खुकुरी, दुई वटा खुकुरीको दाब, एउटा बन्चरो र लागूऔषध प्रयोग गर्ने पाँच वटा सिरिन्ज पनि बरामद गरिएको प्रहरीले जनाएको छ।
