२ पुष, ललितपुर । ललितपुर महानगरपालिकाको १०७ औँ स्थापना दिवस भब्य रुपमा मनाएको छ । स्थापना दिवसको अवसरमा आयोजित कार्यक्रममा ललितपुर महानगरपालिकाका प्रमुख चिरिबाबु महर्जनले सम्बोधन गर्दै ललितपुर महानगरपालिकाका प्रमुख चिरीबाबु महर्जनले महानगरपालिकामा जनप्रतिनिधि र कर्मचारीको मित्रवत् संयोजनले महानगरले अपेक्षाकृत काम गर्न सकेको बताउनुभयो । उहाँले भन्नुभयो “हरियालीप्रवर्धन, कला संस्कृति र प्रविधिमैत्री सेवाले महानगरपालिका आज सबैको आकर्षणको केन्द्र बनेको छ ।” उपप्रमुख मञ्जली शाक्यवज्राचार्यले छेमडोल अड्डाको नामबाट सुरु भएको महानगरपालिकाले अहिले पनि सरसफाइ र हरियालीप्रवर्धनलाई उच्च प्राथमिकता दिएको बताउनुभयो ।
महानगरपालिका प्रमुख प्रशासकीय अधिकृत रेखादास श्रेष्ठले महानगरपालिका प्रशासनिकएकाइ मात्र नभएर कला, संस्कृति र सम्पदाको उद्गम थलो भएको बताउनुभयो ।
ललितपुर महानगरपालिकाको स्थापना दिवसको अवसरमा समाजमा विभिन्न क्षेत्रमा योगदान पुर्याउने विभिन्न व्यक्तिहरुलाई सम्मान गरेको थियो सो अवसरमा गत आर्थिक वर्ष २०८१÷८२मा महानगरपालिकामा सबैभन्दा बढी कर तिर्नेसंस्थागत तर्फ महानगरपालिकाको वडा नं.३ मा रहेको रातो बङ्गला स्कुललाई सम्मान गरिएको थियो । उक्त स्कुलले गत वर्ष ७६ लाख रुपियाँ महानगरपालिकालाई कर तिरेको थियो । त्यस्तै व्यक्तिगततर्फ सबै भन्दा बढी कर तिर्ने निरा राज्यलक्ष्मी राणालाई सम्मान गरिएको थियो ।
त्यस्तै कला, साहित्य र सामाजिक सेवाकामाध्यमबाट महानगरपालिकालाई रचनात्मक सहयोगगर्ने धर्मलाल मर्हजन, खेलकुद कराँतेतर्फ रवि महर्जन,कला र नृत्यतर्फ नारायणदेवी प्रधान, चित्रकला तर्फ बाबुरत्न द्यःल, पत्रकारितातर्फ नारायण किलम्बूलार्इ सम्मान गरिएको थियो । महानगरपालिकाले उत्कृष्टमहानगर सेवा पुरस्कारबाट महानगरपालिकाका कर्मचारी राजेन्द्रप्रसाद अधिकारीलगायत विभिन्न व्यक्ति तथा कर्मचारीलाई सम्मान गरेको थियो ।
ललितपुर महानगरपालिका विसं १९७५ पुस २ गते जारी भएको पाटन सवालबाट छेमडोल अड्डाकोनामबाट सञ्चालन भई विसं २००९ मा ललितपुर नगरपालिका घोषणा गरिएको थियो । त्यस्तै विसं१९१८ मा ललितपुर नगर पञ्चायत, २०४७ मा पुुनः ललितपुर नगरपालिका, २०५२ सालमा ललितपुुरउपमहानगरपालिका र २०७३ चैत १० गते ललितपुर महानगरपालिका घोषणा भएको थियो ।
