काठमाडौ , कार्तिक १७, आइतबार न्यायाधीशद्वय सारङ्गा सुवेदी र श्रीकान्त पौडेलको संयुक्त इजलासले सरकारको निर्णय तत्काल कार्यान्वयन नगर्न अन्तरिम आदेश जारी गरेको हो।
राजदूत फिर्ता बोलाउने निर्णयविरुद्ध अधिवक्ता प्रतिभा उप्रेती र सुनिल भट्टराईले प्रधानमन्त्री तथा मन्त्रिपरिषद् कार्यालयलाई विपक्षी बनाएर सर्वोच्चमा रिट दायर गरेका थिए।
रिटमा राजनीतिक आधारमा राजदूत फिर्ता बोलाइएको दाबी गर्दै उक्त निर्णय बदर गर्न माग गरिएको थियो।
मन्त्रिपरिषद्ले असोज २० गते बसेको बैठकमार्फत चीन, जर्मनी, इजरायल, मलेसिया, कतार, रुस, साउदी अरब, स्पेन, संयुक्त अधिराज्य (बेलायत), संयुक्त राज्य अमेरिका (अमेरिका) र जापानमा कार्यरत नेपाली राजदूतहरूलाई फिर्ता बोलाउने निर्णय गरेको थियो।
फिर्ता बोलाइएका राजदूत सूची
चीन – कृष्णप्रसाद ओली
जर्मनी – डा। शैल रुपाखेती
इजरायल – धनप्रसाद पण्डित
मलेसिया – डा. नेत्रप्रसाद तिमल्सिना
कतार – रमेशचन्द्र पौडेल
रुस – जंगबहादुर चौहान
साउदी अरब – नरेशविक्रम ढकाल
स्पेन – शनिल नेपाल
संयुक्त अधिराज्य (बेलायत) – चन्द्रकुमार घिमिरे
संयुक्त राज्य अमेरिका (अमेरिका) – लोकदर्शन रेग्मी
जापान – डा. दुर्गाबहादुर सुवेदी
अदालतको आदेशसँगै हालका राजदूतहरूलाई फिर्ता बोलाउने प्रक्रिया अहिलेका लागि रोकिएको छ।
