काठमाडौं । नेपाल टेलिकमले आफ्ना ग्राहकको मागलाई सम्बोधन गर्न जीएसएम पोस्टपेडमा रिकरिङ सिजिलो अनलिमिटेड प्याकेज सञ्चालन गरेको छ ।
टेलिकमले यही असोज ३१ गतेदेखि लागू हुने गरी जीएसएम पोस्टपेडका लागि सजिलो अनलिमिटेड प्याकेजहरुमा प्याकेजको समयावधि समाप्त भएपछि स्वचालित रुपमा पुनस् प्याकेज खरिद हुनेगरी रिनुवल प्याकेजहरु सञ्चालनमा ल्याएको छ ।
साबिकका सजिलो अनलिमिटेड ६९९, ७९९, ९९९, १४९९ र एक्जेक्युटिभ प्याकलाई मुख्य अफरको रुपमा लिएर पहिलोपटक प्याकेज खरिद गर्दा अंग्रेजी महिनाको १५ तारिखलाई आधार मानेर प्याकेज दिन्छ । यस्ते मितिमा प्रोरेटको आधारमा रकम काटिने र सोपछि प्रत्येक अंग्रेजी महिनाको १५ तारिखमा स्वतस् सोही प्याकेज रिन्यु हुने व्यवस्था लागू गरिएको छ।
अंग्रेजी महिनाको १५ तारिखमा बिलको हिसाब हुँदा प्याकेजको शुल्क भन्दा उपलब्ध क्रेडिट लिमिट पर्याप्त नभएमा सेवा अवरुद्ध हुन जान्छ । भुक्तानी पश्चात् भने सेवा सुचारु हुन्छ । यस्ता प्याकेज खरिद गर्ने ग्राहकले तोकिएको डाटा र एसएमएसले नपुग भएमा सोका लागि अन्य प्याकेज खरिद गर्न सक्नेछन् ।
ग्राहकले बढी वा कम रिसोर्सेज सहितका अन्य रिकरिङ प्याकेज खरिद गर्न चाहेमा वा साबिकका नर्मल एसएमएस र डेटा प्याकेज प्रयोग गर्न खोजेमा सो पनि खरिद गर्न सकिनेछ । एउटा रिकरिङ प्याकेज चलिरहेको अवस्थामा अन्य रिकरिङ प्याकेज खरिद गरेमा उक्त प्याकेज पेन्डिङ अवस्थामा रहनेछ ।
पेन्डिङ प्याकेज लगत्तै आउने अंग्रेजी महिनाको १५ तारिखमा मात्र एक्टिभ हुनेछ । अन्य नर्मल प्याकेज लिएको हकमा भने भायविलिटि कम रहेको प्याकेजको रिसोर्सेज पहिले प्रयोग हुनेछ । सेवा डिएक्टिभ गर्न चाहने ग्राहकले जीएसएम पोस्टपेड अफर ३०० रुपैयाँको सब्क्राइब गरी रिकरिङ सेवा बन्द गर्न सक्नेछन् ।
रिकरिङ सजिलो अनलिमिटेड प्याकेज सुचारु गर्न *1415*2*4# डायल गरी छनौट गर्नुपर्नेछ ।
