काठमाडौँ / नेपाल टेलिकमले कर्णाली प्रदेशअन्तर्गत हुम्ला जिल्लाका सर्केगाड र चंखेली गाउँपालिकामा नयाँ 2G र 4G सेवा विस्तार गरेको छ ।
सर्केगाड गाउँपालिका–१ मा भाद्र २५ गतेदेखि सेवा सञ्चालनमा आएसँगै वडा नं. १, २, ४, ५ र ६ का जीलागाउँ, माझगाउँ, घितागाउँ, नाउलि र लुमलगायतका बस्तीमा रहेका सेवाग्राहीहरू गुणस्तरीय 4G सेवाबाट लाभान्वित भएका छन् ।
त्यसैगरी, चंखेली गाउँपालिका–६ मा भाद्र २७ गतेदेखि 2G र 4G सेवा उपलब्ध गराइएको टेलिकमले जनाएको छ । यसबाट वडा नं. ४, ५ र ६ का बरैहीगाउँ, सरु गाउँ, देउली, निमिगाउँ लगायतका क्षेत्रमा रहेका स्थानीयले 4G सेवा प्रयोग गर्न पाएका छन् ।
नेपाल टेलिकमले दुर्गम क्षेत्रमा पनि सञ्चार पहुँच पुर्याउने कार्यलाई उच्च प्राथमिकतामा राख्दै आएको छ ।
यस सेवाले ग्रामीण भेगका नागरिकलाई शिक्षा, स्वास्थ्य, सूचना र व्यावसायिक अवसरमा डिजिटल पहुँच सहज बनाउन सहयोग पुग्ने अपेक्षा गरिएको छ ।
