काठमाडौं । सञ्चार तथा सूचना प्रविधि मन्त्रालयले नेपालमा कानुनी सूचीकरण नगरेका सामाजिक सञ्जालहरूलाई आजैदेखि बन्द गर्ने निर्णय गरेको छ।
मन्त्रालयमा सञ्चारमन्त्री पृथ्वीसुब्बा गुरुङको अध्यक्षतामा बिहीबार बसेको बैठकले फेसबुक,ट्वीटर ( तत्कालिन एक्स),युट्युब लगायत २६ वटा सामाजिक सञ्जाल बन्द गर्ने निर्णय गरेको हाे ।
मन्त्रालयले आजैबाट लागू हुनेगरी ताेकिएकाे समय भित्र सूचीकरण हुन नआउने सामाजिक सञ्जाल प्लेटफर्महरूलाई नेपाल भित्र निष्कृय गराउन नेपाल दुरसञ्चार प्राधिकरणलाई निर्देशन दिएकाे छ । साथै सूचीकरण गरेमा साेहि क्षणदेख पूनः सक्रिय सक्रिय गराउन समेत निर्देशन दिएकाे छ ।
यसअघि २०७९ भदौ ९ गते बसेको मन्त्रिपरिषद् बैठकले सबै सामाजिक सञ्जालहरूलाई एक साताभित्र नेपालमा दर्ता र सूचीकरण गर्न निर्देशन दिएको थियो। तर, पटक-पटकको आग्रह र सर्वोच्च अदालतको आदेशपछि पनि केही प्रमुख प्लेटफर्महरूले कानुनी प्रक्रिया पुरा नगरेपछि सरकारले ती सेवा निष्क्रिय बनाउने तयारी गरेको हो।
सूचना तथा प्रविधि मन्त्रालयका अनुसार, कानुनी रूपमै सञ्चालनमा नआएका सामाजिक सञ्जालहरूलाई निष्क्रिय बनाउने निर्णय अदालतको आदेश, मन्त्रिपरिषदको निर्णय र पूर्व जानकारीहरूका आधारमा गरिएको हो।
यस्ताे छ मन्त्रालयले जारी गरेको सूचनाः
