काठमाडौं । मदिरा व्यवसायी संघ, काठमाडौं कार्यसमितिको निर्वाचन भव्यतापूर्वक सम्पन्न भएको छ । यस कार्यक्रममा विभिन्न पदका लागि उम्मेदवारी दर्ता भए पनि आपसी सहमतिमा निर्वाचन प्रक्रियामा भाग लिएका सबै उम्मेदवारहरू निर्विरोध निर्वाचित हुनुभएको छ । निर्वाचित पदाधिकारीहरूमा अध्यक्ष पदमा श्री रुप तामाङ, उपाध्यक्ष पदमा श्री विश्वेश्वर आचार्य, महासचिव पदमा श्री सुदन थापा मगर, कोषाध्यक्ष पदमा श्री समिक्षा अर्याल, सचिव पदमा श्री सुरज कार्की र सहकोषाध्यक्ष पदमा श्री राजन चापागाई निर्वाचित हुनुभएको छ । त्यस्तै, सदस्य पदमा क्रमशः श्री किशोर वस्नेत, श्री सन्त बहादुर तामाङ, श्री प्रकाश नेपाली, श्री राजु मल्ल, श्री ठाकुर प्रसाद धरेल र श्री रमेश ढुंगाना निर्वाचित हुनुभएको छ ।
निर्वाचन प्रक्रियालाई निष्पक्ष र पारदर्शी बनाउन अधिवक्ता सुदिप नेपाल मुख्य निर्वाचन अधिकृतको भूमिकामा रहनु भएको थियो भने अधिवक्ता रामशरण धिमिरे र अधिवक्ता दिनेश खड्का निर्वाचन अधिकृतका रूपमा जिम्मेवारी सम्हाल्नु भएको थियो । कार्यक्रममा नेपाल मदिरा व्यवसायी महासंघका केन्द्रीय अध्यक्ष श्री सोनाम शेर्पा प्रमुख अतिथिको रूपमा उपस्थित रहनु भएको थियो । उहाँको उपस्थितिले कार्यक्रममा थप गरिमामयता प्रदान गरेको थियो । सम्पूर्ण पदाधिकारीहरूको निर्विरोध निर्वाचनले संघभित्रको एकता, सहकार्य र सकारात्मक सोचलाई प्रतिबिम्बित गरेको देखिए को छ । उपस्थित सबै सदस्य, पदाधिकारी तथा व्यवसायीहरूको सक्रिय सहभागितामा सम्पन्न भएको यस कार्यक्रमलाई सहभागीहरूले भव्य, उत्साहपूर्ण र ऐतिहासिक उपलब्धिका रूपमा लिएका छन् ।
