काठमाडौं । भदौं ४, निजी तथा आवासीय विद्यालय अर्गनाइजेसन नेपाल ९प्याब्सन० र राष्ट्रिय निजी तथा आवासीय विद्यालय एसोसियसन नेपाल (एनप्याब्सन) ले विद्यालय शिक्षा विधेयकका केही प्रावधानप्रति असन्तुष्टि जनाउँदै आन्दोलनको घोषणा गरेका छन्। बुधबार संयुक्त पत्रकार सम्मेलन गर्दै यी दुई संगठनले भदौ ८ गतेसम्म माग सम्बोधन नभए ९ गतेदेखि देशभरका निजी विद्यालय बन्द गर्ने चेतावनी दिएका छन्।
त्यसअघि भोलि भदौ ५ गते बिहान ११ बजेदेखि माइतीघर मण्डलामा प्रधानाध्यापकहरूले ब्यानरसहित प्रदर्शन गर्ने र भदौ ६ गते देशभरका स्कुल बसहरू विद्यालय नजिकको चोकमा उतारेर नगर परिक्रमा गराइने कार्यक्रम तय गरिएको छ। संगठनहरूले विद्यालय शिक्षा विधेयकमा समावेश गरिएको पूर्ण छात्रवृत्तिको बाध्यता, विद्यालयमा उत्पादन नहुने सामग्री अनिवार्यरूपमा उपलब्ध गराउने व्यवस्था, र विद्यालयहरूलाई गैर-नाफामूलकु संस्थाका रूपमा परिणत गर्ने प्रावधानहरू खारेज गर्न माग गरेका छन्।
