साउन २, काठमाडौं । नेपाल दूरसञ्चार प्राधिकलरणले टेलिग्राम बन्द गर्ने सेवा प्रदायकहरलाई निर्देशन दिएको छ । टेलिग्राम एक म्यासेजिङ एप हो ।
यसलाई सामाजिक सञ्जालको रूपमा पनि प्रयोग गरिदै आएको छ । टेलिग्राम फेसबुक वा ट्विटरजस्तो परम्परागत सामाजिक सञ्जाल होइन तर यसमा व्यक्तिगत र समूह च्याटको सुविधार रहेको हुन्छ ।
यसमा रहेको गोपनीयता र सुरक्षा सम्बन्धि व्यवस्थाले गर्दा आम मानिसबिचमा यो एप लोकप्रिय रहेको छ । यसको मुख्य विशेषता दुईदेखि दुईलाख समुहसंग साझा विषयमा वह गर्ने सुविधा रहेको छ । यसमा च्यानल समाचार अपडेट र मनोरञ्जनका लागि एकतर्फी ब्रोडकास्टिङको व्यवस्था रहको छ ।
नेपाल दूरसंचार प्राधिकरणले टेलिग्राम एप बन्द गर्न दूरसञ्चार सेवा प्रदायकलाई निर्देशन दिएको छ । प्राधिकरणले सूचना जारी गर्दै सेवा प्रदायकहरुलाई टेलिग्राम एपको पहुँचमा तत्काल रोक लगाउन निर्देशन दिएको हो ।
प्राधिकरणले जारी गरेको सूचनामा टेलिग्राम एपमार्फत अनलाइन ठगीको संख्या निरन्तर बढिरहेको भन्दै भनिएको छ, ‘सम्पत्ति शुद्धीकरण जस्ता गम्भीर अपराधमा संलग्नता समेत रहको बुझिन आएको उक्त टेलिग्राम एपको पहुँचमा रोक लगाउनेरबन्द गर्ने व्यवस्थाका लागि सम्बन्धित सबै दूरसंचार सेवा प्रदायकहरुलाई यसै सूचनामार्फत निर्देशन गरिएको हो।
