काठमाडौं ।असार १९, विद्यालय तहमा खेलकुद गतिविधि सन्चालन गर्नका लागि नेपाल विद्यालय खेलकुद महासंघ (NSSF) र निजी तथा आवासीय विद्यालय अर्गनाइजेशन, नेपाल (PABSON) बीच समझदारीपत्रमा हस्ताक्षर भएको छ ।
विद्यालय खेलकुद र शैक्षिक कार्यक्रम मार्फत विद्यार्थीहरूलाई विश्वव्यापी खेलकुद गतिविधिहरूमा अवसरहरू सिर्जना गर्नका लागि दुवै पक्षले काम गर्ने समझदारी भएको विद्यालय खेलकुद महासंघका महासचिव राजकुमार कार्कीले बताएका छन् ।
समझदारीपत्र अनुसार अबदेखि NSSF र PABSON_ ले संयुक्त रुपमा राष्ट्रिय तथा अन्तर्राष्ट्रिय स्तरका विद्यालय खेलकुद कार्यक्रमहरू आयोजना गर्ने, प्रशिक्षक विकास, खेल सामाग्री सहयोग, छात्रछात्राहरुको सहभागिता सुनिश्चित गर्ने, तथा ISF (International School Sport Federation) का कार्यक्रमहरुमा समन्वय गरी प्रतिनिधित्व गर्ने जस्ता कार्यहरूमा सहकार्य गर्नेछन । कार्यक्रममा NSSFका अध्यक्ष विनोद श्रेष्ठ र PABSON का अध्यक्ष कृष्ण प्रसाद अधिकारीले समझदारीपत्रमा हस्ताक्षर गर्नु भएको हो ।
कार्यक्रममा त्रिभुवन विश्वविद्यालयका खेल विज्ञान विभाग प्रमुख प्रो. पशुपति अधिकारी लगायत महासंघ तथा प्याव्सनका दाधिकारीहरुको उपस्थिति थियो ।
NSSF का अध्यक्ष विनोद श्रेष्ठले नेपालको विद्यालय स्तरको खेलकुद विकासमा यो सझदारी कोसेढुंगा सावित हुन बताउनुभयो । त्यसैगरी, PABSONका अध्यक्ष कृष्ण प्रसाद अधिकारीले यो सहकार्यले निजी विद्यालयहरुमा शिक्षा सँग सँगै खेलकुदलाई अझ प्राथमिकता दिनेछ भन्नुभयो ।
