काठमाडौँ । राष्ट्रिय खेलकुद परिषद (राखेप)ले (यु–१४) विद्यालय स्तरीय खेलकुद प्रतियोगिता गर्ने भएको छ । बिद्यालयस्तरमा बिभिन्न खेल प्रतिभाको खोजी गर्ने उदेश्यले यही जेठ २२ गते देखि २६ गते सम्म काठमाण्डौमा खेलकुद प्रतियोगिता सन्चालन गर्न लागिएको हो ।
प्रतियोगितामा विभिन्न ६ वटा खेल समावेश गरिने राष्टिय खेलकुद परिषद (राखेप)का प्रतियोगिता विभाग प्रमुख मीनकुमार शर्माले जानकारी दिए । एथलेटिक्स, टेबुलटेनिस, बास्केटबल रग्वी, व्याडमिन्टन जस्ता खेल समावेश गरिएको प्रमुख शर्माले बताए । कृकेट बाहेक सबै खेलमा छात्र/छात्रा सहभागी गराइने उनले बताए ।
प्रतियोगिताको उद्घाटन जेठ २२ गते बताइएको छ । एथलेटिक्स र रग्वी २२ र २३ गते रंगशालामा हुने र सोही दिन व्यडमिन्टन देवीनगर हल बानेश्वरमा हुनेछ । टेबलटेनिस लैनचौर र बास्केटबल राखेप कभर्डहल त्रिपुरेश्वरमा सन्चालन गरिने भएको छ । यस्तै छात्र क्रिकेट भने २२ गते देखि २६ गते सम्म मुलपानी क्रिकेट मैदानमा सन्चालन गरिने बताइएको छ ।
एथलेटिक्सको ट्याक तर्फ एक सय, दुई सय ४ सय र ८ सय तथा ४ ह १०० मिटर रिले दौड र लङजम्पमा प्रतिष्पर्दा हुने छन् । टेबलटेनिस र व्याडमिन्टनमा छात्र/छात्रा सिंगल तथा डवल्सका प्रतिस्पर्धा हुने विभाग प्रमुख शर्माले जानकारी दिए । यस्तै बास्केटबल छात्र/छात्र ३ ह ३ र रग्वीको छात्र/छात्राका प्रतियोगिता हुने छन् ।
विद्यालय खेलकुद महासंघ, प्याव्सन, एन प्याब्सन, नेपाल शिक्षक महासंघ तथा खेलकुद संघहरुका प्रतिनिधि सहभागी बैठकहरुले अन्तिम तयारी गरेको कार्यक्रम संयोजक कार्यकारी समिति सदस्य रन्जना प्रधानले जानकारी दिइन् ।
