काठमाडौं । हिमालयन लाइफ इन्स्योरेन्स कम्पनीले ६ महिनामा साढे ३७ करोड नाफा कमाएको छ ।
कम्पनी प्रकाशन गरेको चालु आर्थिक वर्षको दोस्रो त्रैमासिक वित्तीय विवरणले यस्तो देखाएको हो । समिक्षा अवधिमा कम्पनीले ३७ करोड ६२ लाख ८२ हजार रुपैयाँ खुद नाफा कमाएको हो ।
जुन, गत आवको पुस मसान्तसम्मको तुलनामा ८.७३ प्रतिशत धेरै हो । गत आवको सो अवधिमा पनि कम्पनीले ३४ करोड ६० लाख ६२ हजार रुपैयाँ खुद नाफा कमाएको थियो ।
समिक्षा अवधिमा कम्पनीको खुद बीमा शुल्क आर्जन भने सामान्य २.१३ प्रतिशत वृद्धि भई ८ अर्ब ६ करोड ९ लाख ९० हजार रुपैयाँ कायम भएको छ । यस्तै, लगानी तथा कर्जाबाट पनि कम्पनीले २ अर्ब ८९ करोड ७८ लाख ९८ हजार रुपैयाँ आम्दानी गरेको छ ।
समिक्षा अवधिमा कम्पनीको कुल आम्दानी १२ अर्ब २१ करोड ४६ लाख रुपैयाँ छ भने कुल खर्च ११ अर्ब ३३ करोड २९ लाख रुपैयाँ रहेको छ ।
कम्पनीको जीवन बीमा कोषको आकार पनि ९.५४ प्रतिशत बढेर ७० अर्ब ७० करोड ९३ लाख रुपैयाँ पुगेको छ । हाल कम्पनीको चुक्ता पुँजी ८ अर्ब २ करोड ३ लाख रुपैयाँ छ ।
हाल कम्पनीको प्रतिसेयर आम्दानी ९.३८ रुपैयाँ र प्रतिसेयर नेटवर्थ १३०.२१ रुपैयाँ छ ।
