काठमाडाैं । धरान–चतरा सडकअन्तर्गत मकवानपुरको बकैया गाउँपालिकामा बुधबार यात्रु बस दुर्घटना हुँदा २२ जना घाइते भएका छन्।
मकवानपुर प्रहरीका अनुसार धरान–चतरा सडकको हेटौँडा–सिन्धुली खण्डअन्तर्गत बकैयाँ गाउँपालिका वडा नम्बर ५, तीनतलेमा हेटौँडाबाट सिन्धुलीतर्फ जाँदै गरेको यात्रुवाहक बस दुर्घटना भएको हो।
मकवानपुर प्रहरी प्रवक्ता डिएसपी श्यामु अर्यालले बा ५ ख ६६५३ नम्बरको यात्रु बस दुर्घटना हुँदा २२ यात्रु घाइते भएको जानकारी दिए। उनीहरुलाई उपचारका लागि हेटौँडा अस्पताल ल्याइएको छ।
बसका चालक प्रहरी नियन्त्रणमा रहेको प्रवक्ता अर्यालले बताए। बसमा ३६ यात्रु रहेको र घाइतेहरुको विवरण संकलन गर्ने काम भइरहको उनको भनाई छ।
