काठमाडाैं । परराष्ट्रमन्त्री आरजु राणा देउवा आज (मंसिर १३ गते) चीन प्रस्थान गर्दै छिन्।
परराष्ट्रमन्त्रीको सचिवालयका अनुसार मन्त्री राणा अहिले दिउँसो १२:२० बजे सिचुआन एयरलाइन्सको जहाजबाट चीनको छेन्दुङ प्रस्थान गर्ने कार्यक्रम छ।
सोमबार बसेको मन्त्रिरिषद् बैठकद्वारा स्वीकृत चीन भ्रमणअन्तर्गत परराष्ट्रमन्त्री राणाले चीनको राजधानी बेइजिङमा मंसिर १४ गते चिनियाँ विदेशमन्त्री वाङ यीसँग भेटवार्ता गर्ने तालिका छ।
प्रधानमन्त्री केपी शर्मा ओलीले गर्ने चीन भ्रमणको तयारीका लागि राणा आज त्यसतर्फ जान लागेकी हुन्। प्रधानमन्त्री ओली यही मंसिर १७ गतेदेखि चीनको औपचारिक भ्रमणमा जाँदै छन्।
