काठमाडौं । सन् २०२६ को डाइभर्सिटी भिसा (डि.भी.) कार्यक्रमका लागि आवेदन दर्ता आज रातीदेखि खुला हुदै छ।
२०८१ असोज १६ गते राती ९ः४५ बजेदेखि सुरु भई २०८१ कात्तिक २० गत रातको १०ः४५ बजे बन्द हुने अमेरिकी दुतावासले जनाएको छ ।
दुतावासले आवेदन दिन चाहाने इच्छुक व्यक्तिहरुले सकेसम्म छाडै अनलाइन फारम भर्न जानकारी गरेको छ । दुतावासको सुचनामा भनिए अनुसार आवेदन भर्न शुल्क नलाग्ने र सकेसम्म आवेदन आफै भर्न समेत आग्रह गरेको छ।
आवेदकले दुतावसले उल्लेख गरेको www.dvprogram.state.gov वेवसाइटमा गइ आफ्नो विवरण भर्न सकिने जनाएको छ ।
इच्छुक आवेदकका लागि ध्यान दिनुपर्ने महत्वपूर्ण कुरा
डि.भी. कार्यक्रममा सहभागी हुनका लागि शुल्क लाग्दैन । आवेदन भर्दा कन्सल्टेन्टको सहयोग चाहिदैन ।
आवेदनसम्बन्धी सहयोग चाहिएमा परिवारको सदस्य, साथी वा अन्य विश्वासिलो व्यक्तिको सहयोग लिन सकिने । सहयोग जसले उपलब्ध गराए तापनि आफ्नो आवेदनका लागि तपाईँ आफै जिम्मेवार हुने ।
सन् २०२६ को डाइभर्सिटी भिसा कार्यक्रमका लागि आवेदकहरूले दर्ता अवधिमा धधध.मखउचयनचबm.कतबतभ.नयख मा गई इलेक्ट्रोनिक डाइभर्सिटी भिसा (ई–डि.भी.) आवेदन फाराम भर्नपुर्ने ।
पारिवारिक विवरण खुलाउदा आफ्ना पति÷पत्नी र आवेदनको समयमा २१ वर्ष नपुगेका सबै अविवाहित सन्तानलाई सूचीकृत गर्नु अनिवार्य रहेको छ ।
त्यसैगरी आवेदनको समयमा २१ वर्ष नपुगेका सबै अविवाहित झड्केला सन्तान तथा धर्मसन्तानलाई पनि सूचीकृत गर्नु अनिवार्य रहेको छ । यसरी पारिवारिक विवरण समावेश नगरी पेस गरिएको आवेदन अमान्य ठहरिनेछ ।
एक जनाका लागि एउटा मात्र आवेदन आवेदन बुझाउनु पर्नेछ । एकभन्दा बढी आवेदन बुझाउने आवेदकहरू कार्यक्रमका लागि अयोग्य ठहरिनेछन् ।
हालसालै खिचिएको फोटो हुनुपर्ने छ भने अघिल्लो वर्षको डि.भी. आवेदनमा प्रयोग गरिएको फोटो यस वर्षको आवेदनमा प्रयोग गरेमा आवेदन अयोग्य ठहरिनेछ ।
फोटोसम्बन्धी नियमहरू कडाइका साथ पालना गर्नु पर्नेछ र प्रत्येक फोटो आफ्नो आवेदनमा समावेश भएका सही व्यक्तिहरूसँग मेल खाने गरी पेस गर्नु पर्नेछ । फोटो खिच्दा आवेदकहरूले चस्मा लगाउनु हुँदैन ।
अघिल्ला वर्षहरूमा अमेरिकी विदेश मन्त्रालयले आवेदकहरूलाई डि.भी. आवेदन भर्दाको समयमा आफ्नो वैध र म्याद बाँकी रहेको राहदानीमा अनिर्वाय गरेको हाल त्यो आवश्यक छैन ।
आफ्नो कन्फर्मेशन नम्बरलाई अवश्य सेभ र प्रिन्ट गर्नुपर्छ ताकी यो नम्बर नै तपाईँको स्टेटस चेक गर्ने एक मात्र तरिका हो ।
ड्ड तपाईँ डि.भी. का लागि छनोटमा पर्नुभयो कि भएन भनी निर्धारण गर्ने एउटा मात्र विधि भनेको २०८२ वैशाख २० गते वा त्यसपछि वेवसाइटमा मा गई आफ्नो कन्फर्मेशन नम्बर मार्फत हेर्न सकिने छ ।
आवेदन दर्ता गर्दा आवेदकहरूले आफ्नो ईमेल ठेगाना प्रदान गर्नुपर्नेछ । यद्यपि, छनोट भएका व्यक्तिहरूलाई उनीहरू डि.भी. का लागि छानिएका छन् भन्ने व्यहोराको ईमेल सूचना नपठाइने जनाइएको छ ।
डि.भी. का लागि छानिँदैमा तपाईँले भिसा पाउनुहुन्छ भन्ने कुरा यसले प्रत्याभूत गर्दैन । तपाईँले भिसाका लागि अन्तर्वार्ता दिने मौका पाउनुभयो भने कन्सुलर अफिसरले तपाईँसँग आवश्यक योग्यता छ वा छैन र अमेरिकी आप्रवासी कानुनबमोजिम डि.भी. का लागि तपाईँ योग्य हुनुहुन्छ कि हुनुहुन्न भन्ने कुराको निर्क्योल गर्नेछन् ।
अन्तर्वार्ताका लागि जाँदा आफूसँग लैजानुपर्ने दस्तावेजहरूको सूचीhttps://e.america.gov/t/i-l-fyktkkd-tjvhiutjt-d/ मा दिइएको छ ।
